Kúndelikti serýendeý erte ólimniń aldyn alady - zertteý
LONDON. QazAqparat - Ulybrıtanııada júrgizilgen zertteýge sáıkes, jattyǵýdyń paıdasyn seziný úshin júgirý nemese sportpen shuǵyldaný qajet emes – ol úshin jaı ǵana serýendeý jetkilikti. Kúnine 11 mınýt sportpen aınalysý 10 mezgilsiz ólimniń bireýiniń aldyn alatyny belgili boldy. Bul týraly QazAqparat VVS-ge silteme jasap habarlaıdy.
Zertteýde jattyǵýdy aptasyna kem degende 150 mınýt ýaqyt oryndaý usynylǵan. Alaıda, adamdardyń kópshiligi bul usynystardy oryndamaıdy. Al Ulttyq densaýlyq saqtaý qyzmeti (National Health Service, NHS) eresekterge aptasyna 150-300 mınýt qarqyndylyǵy ortasha nemese aptasyna 75-150 mınýt qarqyndy belsendilikti usynady. Dene qyzmetiniń belsendiliginiń paıdasy týraly zertteýlerdi taldaý nátıjesinde aptasyna 75 mınýtqa nemese kúnine 11 mınýtqa sáıkes keletin fızıkalyq belsendiliktiń usynylǵan kóleminiń jartysyn jasaýdyń ózi júrek-qan tamyrlary aýrýlaryna shaldyǵýdyń 20 jaǵdaıynyń birin jáne qaterli isik aýrýyna shaldyǵý 30 jaǵdaıdyń birin aldyn alýǵa bolatynyn kórsetti. Kúndelikti ómir saltyna velosıped aıdaý, jyldam júrý, serýendeý nemese bı bıleýdi qosýǵa bolady. Nátıjeler kórsetkendeı, bul fızıkalyq belsendilik júrek aýrýy men ınsýlt qaýpin 17% jáne qaterli isik aýrýyn 7% tómendetýge jetkilikti. Turaqty jattyǵýlar denedegi maıdy azaıtyp, qan qysymyn tómendetedi, sonymen qatar uıqyny jáne júrek jumysyn jaqsartady. Jattyǵý jasaý qaterli isik aýrýyn emdeýde de óte tıimdi ekeni atap ótilgen. Ǵalymdardyń aıtýynsha, aptasyna keminde 150 mınýt jattyǵý jasaý erte ólimniń árbir altynshysynyń aldyn alady.
Júıeli túrde jattyǵý jasaý úshin adamdarǵa keıbir ádetterin ózgertý kerek. Mysaly, mamandar jumysqa nemese dúkenge jaıaý nemese velosıpedpen júrýge, balalar nemese nemerelermen belsendi oıyn oınaýǵa keńes beredi. Ulttyq densaýlyq saqtaý qyzmeti eresekterge bulshyqetti nyǵaıtý úshin aptasyna eki ret jattyǵý oryndaýdy usynady. Ioga, pılates, kir tasyn kóterý, baý-baqsha, azyq-túlik dúkenine jaıaý barý da adam densaýlyǵyna jaqsy áser etedi.
