«Kúndelik» júıesin buzý týraly aqparat shyndyqqa janaspaıdy – Muhtar Іlııasov

NUR-CULTAN. QazAqparat - «Kúndelik» júıesin buzý týraly aqparat shyndyqqa janaspaıdy. Bul týraly QazAqparat «Kúndelik» JShS baspasóz qyzmetine silteme jasap habarlaıdy.

«Kúndelik» elektrondyq júıesi «Ulttyq aqparattyq tehnologııalar» AQ serverlik ortalyǵynyń bazasynda ornalasqan ári syrtqy shabýyldardan qorǵalǵan deıdi «Kúndelik» JShS dırektory Muhtar Іlııasov.

Onyń aıtýynsha, júıeni QR Ulttyq qaýipsizdik komıtetiniń «Memlekettik tehnıkalyq qyzmet» AQ turaqty baqylap otyrady. Kez-kelgen syrtqy shabýyldy QR UQK qadaǵalaıdy.
Sondaı-aq ol «Kúndelik» júıesin buzý týraly aqparat shyndyqqa janaspaıtynyn aıtty. ıAǵnı, eshqandaı shabýyl bolmaǵan, paıdalanýshylardyń derekterin qorǵaý tolyqtaı qamtamasyz etilgen.
«Elektrondyq júıede derektermen jumys isteý kezinde jeke aqparattyq qaýipsizdik erejelerin saqtaý qajet. Logın men qupııasózdi bógde adamdarǵa berýge nemese ashyq túrde qaldyrýǵa bolmaıdy. Mundaı jaǵdaılarda akkaýnttar buǵattalyp, keleńsiz jaǵdaılarǵa ákep soqtyrýy múmkin. Máselen, búgin qaskúnem akkaýntyn ashyq qaldyrǵan paıdalanýshynyń atynan júıege kirip, ádepsiz habarlamalar qaldyrdy. Tehnıkalyq qoldaý qyzmeti bul habarlamalardy óshirip, profıldi buǵattady «, – dep jaýap berdi Muhtar Іlııasov.