«Kúndelik» mobıldi qosymshasynda qandaı aqparat aqyly bolady

NUR-SULTAN. QazAqparat - «Kúndelik» mobıldi qosymshasy arqyly keıbir aqparat ata-anaǵa aqyly bolady. Bul týraly QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Tolyqtaı alǵanda aqparat alý bóligindegi qyzmetter tegin. Biraq, mobıldi qosymsha arqyly aqparat, onyń ishinde reıtıng, saraptama, salystyrý málimetter qajet bolsa, onda ata-ana Bilim mınıstrligi men qyzmet kórsetýshi arasyndaǵy kelisimshartqa sáıkes tólem jasaýy qajet», - dedi mınıstr Májilistiń jalpy otyrysynda depýtattardyń suraǵyna oraı.

Osy oraıda Májilis depýtaty Azat Perýashev mınıstrdiń mundaı jaýabyna narazylyq bildirdi.

«Konstıtýtsııada tegin orta bilimge kepildik berilgen. Al ol jerde oqýshynyń úlgerimine qatysty aqparattardy alǵany úshin ana-analarǵa aqyly qyzmet engizilgen», - dedi A.Perýashev.

Mınıstr oqýshynyń baǵasyna qatysty málimetterdiń tegin, al saraptamaǵa, salystyrý men reıtıngke qatysty málimetterdiń aqyly ekendigin taǵy qaıtalady.

«Sizderde úlgerimge, pegagogtiń keńesine qatysty aqparattar mobıldi qurylǵy arqyly aqyly bolyp tur. Ata-ana pedagogtyń keńesin kóre almasa, onda balasynyń úlgerimin qalaı qadaǵalaıdy?», - deıdi A.Perýashev.