Kundelik.kz portalyna hakerlik shabýyl jasaldy
ASTANA. QazAqparat - 2018 jyldyń 4 qyrkúıeginde «Kundelik» aqparattyq júıesine DDOS hakerlik shabýyl jasaldy. Bul týraly QazAqparat QR BǴM baspasóz qyzmetine silteme jasap habarlaıdy.
Kundelik.kz portalynyń ázirleýshileri qazirgi ýaqytta portalǵa jáne memlekettik organdar úshin eseptik júıege qoljetimdilik jyldamdyǵynyń azaıýy múmkin ekendigin h
«Kundelik» AAJ qoldanýshylardyń personaldy málemetterin qorǵaý maqsatynda Ulttyq aqparattandyrý operatory «Ulttyq aqparattyq tehnologııalar» AQ serverlerinde ornalastyrylǵan jáne «elektrondy úkimet» servısteri deńgeıinde qorǵalady. Qazirgi ýaqytta «UAT» AQ tehnıkalyq mamandary men telekommýnıkatsııalyq opreatorlardyń («Kazahtelekom» AQ, «GTS» RMK, «Transtelekom» AQ, «Ksell» AQ jáne t.b.) jetekshi mamandary syrttan jasalǵan shabýyldardyń saldaryn tolyq joıý jáne júıelerge qoljetimdilik jyldamdyǵyn qalpyna keltirý úshin Kundelik.kz portalyn jáne taǵy da basqa aqparattyq júıelerdi qorǵaý boıynsha is-sharalar júrgizip jatyr. ıAǵnı, osy jaǵdaı «UAT» AQ tarapynan shyqqan tehnıkalyq aqaýlyq bolyp tabylmaıdy», - delingen habarlamada.
Qazir sheteldik DDOS shabýyldarǵa qarsy turý boıynsha birikken jumystar jasalyp jatyr.
Portal qoldanýshylarynyń barlyq málimetteri - jeke aqparat, úlgerim, sabaqqa qatysý týraly baǵalar, berilgen úı jumystary - «UAT» AQ aqparattyq qaýipsizdiginiń perımetrinde ornalasqan jáne ózgertilmeıdi. Júıeniń tolyq qalpyna kelýi men jaǵdaıdyń sheshilýi týraly qosymsha habarlanatyn bolady.
Aıta keteıik, «Kundelik» - bul Qazaqstannyń jalpy bilimdik mektepteriniń elektrondy kúndelikteri men jýrnaldarynyń ulttyq júıesi. Júıege 6 myńnan astam mektep qosylǵan, 4 mln. astam qoldanýshy tirkelgen. Elektrondy kúndelikterdi engizý arqyly oqý úrdisiniń tazalyǵy jáne oqýshylar men muǵalimder arasynda aqparatpen almasý qolaılyǵy joǵarylaıdy, sonymen qatar esep tapsyrý úrdisi jeńildeıdi.
