Kúnde tamyz aıyndaǵy eń qýatty jarqyl tirkeldi
ASTANA. KAZINFORM — Kúnde M1.88 klasyndaǵy jarqyl tirkeldi, bul tamyz aıynyń basynan bergi eń qýatty jarqyl boldy.
Reseı Ǵylym akademııasy Ǵaryshtyq zertteýler ınstıtýtynyń Kún astronomııasy zerthanasynyń málimetinshe, bul sońǵy táýliktegi M klasyndaǵy ekinshi jarqyl. Ǵalymdar Kún belsendiliginiń kúrt kúsheıýin kútpeıdi. Aldyn ala baǵalaýlar boıynsha, belsendi aımaq sharyqtaý shegine jetip keledi. Osydan keıin jarqyldar sanynyń odan ári artý yqtımaldyǵy tómendeýi tıis.
Aldyńǵy táýlikte Kúnde 19 jarqyl tirkelgen. Geomagnıttik belsendilik áli de joǵary deńgeıde, alaıda Jerde shamamen 20 saǵat boıy aıtarlyqtaı aýytqýlar baıqalmaǵan. Degenmen jekelegen belsendilik kúsheıýi múmkin.
Demalys kúnderi ǵaryshtaǵy aýa raıy qalypty jaǵdaıǵa oralýy múmkin.
Aıta keteıik, magnıttik daýyldardyń adamdarǵa áseri týraly ǵylymı konsensýs joq. Alaıda, medıtsına mamandary olardyń ál-aýqatqa áser etýi múmkin ekenin, qan qysymynyń joǵarylaýyna, bas aýrýyna, eńbekke qabilettiliktiń tómendeýine, mazasyzdyqqa jáne allergııa, sondaı-aq sozylmaly aýrýlardyń órshýine ákelýi múmkin ekenin aıtady.
Buǵan deıin shilde aıynda Kúnde qýatty jarqyl tirkelgen bolatyn.
