Kúnde M1.1 sanatyndaǵy qýatty jarqyl tirkeldi

ASTANA. KAZINFORM – 17 qarashada Kúnde M1.1 sanatyndaǵy jarqyl tirkeldi. Ol 14 mınýtqa sozylǵan, dep habarlaıdy TASS agenttigi.

Kúnde M1.1 sanatyndaǵy qýatty jarqyl tirkeldi
Foto: RǴA Kún astronomııasy ınstıtýty

Bul týraly Qoldanbaly geofızıka ınstıtýty habarlady.

Mekeme málimetinshe, 17 qarashada Máskeý ýaqytymen saǵat 18:49-da Kún daqtarynyń 4578 tobynda (S11W66) rentgen dıapazonynda M1.1 sanatyndaǵy jarqyl tirkelgen. Onyń uzaqtyǵy 14 mınýt bolǵan.

Kún jarqyldary rentgen sáýlelenýiniń qýatyna qaraı bes sanatqa bólinedi: A, B, C, M jáne X. Eń tómengi A0.0 sanaty Jer orbıtasyndaǵy bir sharshy metrge 10 nanovatt sáýlelený qýatyna sáıkes keledi. Kelesi áriptik sanatqa ótken saıyn sáýlelený qýaty 10 ese artady.

Kún jarqyldary plazmanyń laqtyrylýymen qatar júrýi múmkin. Plazma bulttary Jerge jetken jaǵdaıda magnıttik daýyldardy týdyrýy yqtımal.

Aıta keteıik, buǵan deıin táýlik ishinde Kúnde 29 jarqyl tirkelgeni habarlandy. 

Sondaı-aq osy aıdyń basynda Jerde G2 deńgeıindegi magnıttik daýyl tirkelgenin jazdyq.