Kúnde qýatty jarqyl tirkeldi
ASTANA. KAZINFORM – 20 shildede Kúnde qýattylyǵy M2.5 sanatyna jatatyn jarqyl tirkeldi. Ol 11 mınýtqa sozyldy jáne Jerdiń geomagnıttik jaǵdaıyna áser etýi múmkin, dep habarlaıdy TASS.
Qoldanbaly geofızıka ınstıtýtynyń málimetinshe, M sanatyndaǵy jarqyl 20 shilde kúni Máskeý ýaqytymen saǵat 17:36-da (Astana ýaqytymen 20:36) tirkelgen.
– Rentgen dıapazonynda 4489 (S04W22) kún daqtary tobynda M2.5 sanatyndaǵy, uzaqtyǵy 11 mınýt bolǵan jarqyl tirkeldi, – delingen ınstıtýt habarlamasynda.
Mamandardyń aıtýynsha, M sanatyndaǵy jarqyldar qýaty jaǵynan X sanatynan keıingi ekinshi orynda jáne keı jaǵdaıda Jerdiń magnıt órisine áser etýi múmkin.
Aıta keteıik, buǵan deıin 22 shildede Jerde magnıttik daýyldar bolatyny habarlanǵan edi.
