Kúnde qýatty jarqyl tirkeldi
ASTANA. KAZINFORM — Kúnde 6 qazanǵa qaraǵan túni qýattylyǵy boıynsha M klasyna jatatyn jarqyl tirkeldi, dep habarlaıdy TASS.
Qoldanbaly geofızıka ınstıtýtynyń málimetinshe, mundaı qýattaǵy Kún jarqyly sońǵy ret 5 qyrkúıekte tirkelgen.
— 5 qazanda Máskeý ýaqytymen saǵat 21:48–de rentgen sáýlesi dıapazonynda 4545 (N19E10) daqtar tobynda 30 mınýtqa sozylǵan M1.1 jarqyly tirkeldi, — delingen habarlamada.
Kún jarqyldary rentgen sáýlesiniń qýatyna qaraı A, B, C, M jáne X degen bes klasqa bólinedi. Eń tómengisi — A0.0 klasy. Ol Jer orbıtasyndaǵy sharshy metrge 10 nanovatt sáýle qýatyna sáıkes keledi. Kelesi áripke ótken saıyn sáýle qýaty 10 ese artady.
Kún jarqyldary kezinde plazma laqtyrylýy múmkin. Onyń bulttary Jerge jetken jaǵdaıda magnıttik daýyldarǵa sebep bolady.
Buǵan deıin Kúnde tamyz aıyndaǵy eń qýatty jarqyl tirkelgeni týraly jazǵan bolatynbyz.
