Kúnde qýatty jarylystar boldy: Jerge qandaı qaýip bar
ASTANA. KAZINFORM — Sońǵy birneshe kúnde Kúnde qýatty jarylystar tirkeldi. Sońǵysy M5.7 klasyna jatady.
Reseı ǵylym akademııasynyń ǵaryshtyq zertteýler ınstıtýtynyń Kún astronomııasy zerthanasynyń málimetinshe, jarylystar dál qazirgi ýaqytta Jerge qaýip tóndirmeıdi. Degenmen, sarapshylar belsendi aımaq Jer planetasyna eki kúnnen keıin áser ete bastaıdy dep naqtylady.
Eger jarylystar belsendiligin saqtasa, geomagnıttik jaǵdaıǵa yqpal etetin jańa jaǵdaılar týyndaýy múmkin.
Baqylaý derekterinshe, 10 mamyrda Kúnde C klasyna jatatyn álsiz 11 jarylys tirkeldi. Al buǵan deıingi M klasyna jatatyn iri jarylys 7 mamyrda bolǵan, bul juldyzdyń belsendiliginiń saqtalyp otyrǵanyn kórsetedi.
Mamandar jaǵdaıdy úzdiksiz baqylap otyr. Olar jaqyn kúnderi Kún belsendiliginiń deńgeıi ózgerýi múmkin ekenin joqqa shyǵarmaıdy.
Kúndegi jaryq jarylystary rentgen sáýlesiniń qarqyndylyǵy boıynsha bes klasqa bólinedi: A, B, C, M jáne X. Olar Jerde magnıttik daýyldardy týdyrýy múmkin, bul energetıkalyq júıelerdiń jumysyna, qustar men janýarlardyń mıgratsııasyna áser etip, polıarlyq shamdardyń kóriný aımaǵyn keńeıtedi.
Osyǵan deıin Kúndegi ózgerister spýtnıkter men baılanysqa áser etýi múmkin ekeni týraly jazdyq.
