Kúnde 3 shildede eki qýatty jarqyl tirkeldi
ASTANA. KAZINFORM – 3 shildede Kúnde M klasyna jatatyn eki qýatty jarqyl tirkeldi, dep habarlaıdy TASS.
Qoldanbaly geofızıka ınstıtýtynyń málimetinshe, alǵashqy M1.2 klasty jarqyl Astana ýaqytymen saǵat 04:12-de 4479 (N18W47) daqtar tobynda tirkelip, 13 mınýtqa sozylǵan.
Al ekinshi M1.5 klasty jarqyl Astana ýaqytymen saǵat 18:13-te 4480 (S15W61) daqtar tobynda baıqalǵan. Onyń uzaqtyǵy da 13 mınýt bolǵan.
Instıtýttyń naqtylaýynsha, 2 shildede Kúnde M klasyna jatatyn taǵy tórt jarqyl tirkelgen.
Kún jarqyldary rentgen sáýlesiniń qýatyna qaraı bes klasqa bólinedi: A, B, C, M jáne X. Eń álsizi – A0.0 klasy. Ol Jer orbıtasyndaǵy sharshy metrge shaqqanda 10 nanovatt sáýle shyǵarý qýatyna sáıkes keledi. Árbir kelesi klasqa ótken saıyn sáýle shyǵarý qýaty 10 ese artady.
Kúndegi jarqyldar kún plazmasynyń ǵaryshqa taralýymen qatar júrýi múmkin. Mundaı plazma bulttary Jerge jetken kezde geomagnıttik daýyldardyń týyndaýyna sebep bolmaq.
Eske sala ketsek, sáýir aıyndańy Kúnnen shyqqan qýatty jarqyldar aldaǵy ýaqytta Jerge áser etýi múmkin ekenin jazdyq.
