Kúnbaǵysqa eksporttyq baj salyǵy engiziledi

ASTANA. QazAqparat – Qazaqstan kúnbaǵysqa eksporttyq kedendik baj salyǵyn engizý týraly sheshim qabyldady. Bul týraly QR Premer-Mınıstriniń orynbasary – Saýda jáne ıntegratsııa mınıstri Serik Jumanǵarın aıtty, dep habarlaıdy QazAqparat tilshisi.

«Bizde syrtqy saýda qyzmetimen aınalysatyn vedomstvoaralyq komıssııa bar. Máselen, keshe kúnbaǵysty syrtqa shyǵarýǵa qatysty máseleni qarastyrdyq. Oǵan eksporttyq kedendik baj salyǵyn engizý týraly sheshim qabyldadyq. Óıtkeni, ony syrtqa shyǵarý qaýpi bar. Soǵan oraı qańtardan bastap tarıftik kvota engizemiz jáne óndirýshiler Aýyl sharýashylyǵy mınıstrligimen jyl boıy kúnbaǵys maıynyń 1 lıtrin 750 teńgeden asyrmaý týraly memorandýmǵa qol qoıady», - dedi Serik Jumanǵarın Úkimet otyrysynan keıin BAQ ókilderiniń saýalyna oraı.

Buǵan deıin QR Premer-Mınıstriniń orynbasary – Saýda jáne ıntegratsııa mınıstri kúrish baǵasyna pikir bildirgenin jazǵan edik.

Foto:lizagubernii.ru