Kýnar provıntsııasynda júzdegen turǵyn Pákistan týyn órtep jiberdi
ASTANA. 5 mamyr. QazAqparat - Aýǵanstannyń Kýnar provıntsııasynda júzdegen turǵyn Pákistanǵa qarsy ereýilge shyqty.
Sherýshiler bul eldiń úkimetine qarsy urandatyp, týyn órtep jiberdi. Sońǵy kezderi aýǵan eli men Pákistan arasyndaǵy qarym-qatynas shıelenisip ketti. Buǵan sebep - qos el arasyndaǵy shekara daýy. Aımaqta qarýly qaqtyǵystar jıilep, saldarynan qaza tapqandar sany kún sanap ósýde. Jýyrda Aýǵanstanda bolǵan lańkestik áreketten jeti ásker qaza tapty. Jalpy osy aptanyń ishinde Aýǵan jerindegi janjaldan AQSh-tyń 19 sarbazy mert boldy, dep habarlaıdy 24.kz.
