Qunanbaıdyń er-turmany men shapany Qytaı murajaıynda saqtaýly
ASTANA. QazAqparat - Qunanbaı qajynyń jıenine japqan shapany men er-turmany Qytaıdyń Altaı qalasyndaǵy tarıhı murajaıda saqtaýly tur.
Bul týraly bizge belgili tarıhshy ǵalym, tarıh ǵylymdarynyń doktory Ahmet Toqtabaı aıtty, dep jazady 24.kz.
Tarıhqa úńiler bolsaq, Qunanbaı óziniń aıaýly qaryndasy Aıbalany Zaısan óńirindegi 5 myń jylqy bitken Óteý baıǵa uzatqan. Sol Óteýdiń balalary naǵashylap Qunanbaı aýylyna barǵanda olarǵa at mingizilip, shapan jabylady. Erekshe bezendirilgen, sándi er-turman syıǵa tartylady. Bul buıymdardy urpaqtary erekshe qasterlep, bertinge deıin saqtap kelgen. Qazir Óteý urpaqtary Qytaıdyń Tarbaǵataı, Altaı, Іle aımaqtarynda turyp jatyr. Barlyǵy 60 úıden asypty.
«1929jyly aýmaly-tókpeli zamanda Óteý urpaqtary Qytaıǵa ótken. Sonda álgi er-turman men shapandy ózderimen birge ala ketipti. Óte qasterlep ustap, urpaqtan-urpaqqa mura qylyp qaldyryp otyrǵan. Alaıda Qytaıda 1966jylǵy «mádenı tóńkeris» bulardy da sharpyp ótipti. Qyzyl belsendiler er-turmandy qolǵa túsirip, órtep jibergen. Óıtkeni er-turman altynmen aptalyp, kúmispen kómkerilgen áshekeıge toly saltanatty buıym edi. Baı feodaldyń zattary joıylsyn degen jeleýmen otqa jaqqan. Erdiń tek qańqasy qalǵanda, «mine, endi taza kedeıdiki, proletarıattyki boldy» dep urpaqtaryna qaıtaryp beripti. Óskenbaıdyń jıensharlary, Óteý baıdyń urpaqtary 2012jyly er-turman men shapandy Altaı qalasyndaǵy tarıhı murajaıǵa ótkizgen. Shapan óte jaqsy saqtalǵan. Jasyl tústi, birneshe qabat bolyp tigilgen», - deıdi tarıh ǵylymdarynyń doktory Ahmet Toqtabaı.
foto: el.kz
