«Qunanbaı» jáne «Jańǵaq tal» fılmderi Azııadaǵy eń úzdik festıvalge qatysady
ALMATY. QazAqparat - «Qunanbaı» jáne «Jańǵaq tal» fılmderi Beıjińde ótetin festıvalge qatysady, dep habarlaıdy QazAqparat tilshisi «Qazaqfılmniń» baspasóz qyzmetine silteme jasaı otyryp.
Sh.Aımanov atyndaǵy «Qazaqfılm» AQ jaryqqa shyǵarǵan «Qunanbaı» jáne «Jańǵaq tal» fılmderi Qytaıdyń astanasynda 19-21 sáýirde ótetin Beıjiń halyqaralyq kınofestıvaliniń (Beijing International Film Festival) «Panorama» baǵdarlamasynda kórsetiletin bolady.
«Fılm kóptegen festıvalderge qatysyp, tanylyp jatqanyna óte qýanyshtymyn. Kartınanyń jelisi meıirimge toly, sondyqtan da qytaılyq kórermenderdiń kóńilinen shyǵatynyna senimdimin», - dedi «Jańǵaq tal» fılminiń rejısseri Erlan Nurmaǵambetov.
Esterińizge sala ketsek, «Jańǵaq tal» fılmi Ońtústik Koreıadaǵy Pýsan festıvalinde álemdik premerasyn ótkizip, onda New Currents («Jańa aǵym») sektsııasy aıasynda bas júldeni ıemdengen bolatyn. Sonymen qatar, atalǵan kartına Vezýldegi Azııa kınolary HHІІ Halyqaralyq kınofestıvaliniń (Frantsııa, 2016 jyly) negizgi baıqaýynda kórsetilip, eki birdeı júldege: halyqaralyq qazylardyń arnaýly júldesine jáne kıno synshylarynyń arnaýly júldesine ıe bolǵan.
«Osydan birneshe jyl buryn marqum Talasbek Ásemqulov ekeýimiz «Birjan sal» fılmimen Qytaıǵa arnaıy baryp edik. Kórsetilimge 500-ge jýyq halyq qatysty, olardyń arasynda qazaqtar da boldy. Fılmdi óte keremet qabyldady. Tarıhtan syr shertetin «Qunanbaı» fılmimiz de qytaılyq kórermenderge unaıdy degen oıdamyn», - dedi «Qunanbaı» fılminiń rejısseri Doshan Joljaqsynov.
Uly oıshyl Abaıdyń ákesi Qunanbaı Óskenbaıulynyń ómiri jaıly baıandaıtyn tarıhı týyndy elimiz boıynsha prokatqa 2015 jyly shyǵyp, kórermenniń kózaıymyna aınalǵan bolatyn. Atalmysh fılm QR Prezıdenti
N.Á.Nazarbaevtyń jáne Memleket tarapynan da joǵary baǵasyn aldy. 2016 jyldyń ádebıet pen óner salasy boıynsha Memlekettik syılyqty Elbasy QR Táýelsizdik kúnin toılaý qarsańynda fılmniń túsirý tobyna berdi. Jarlyqqa sáıkes syılyq rejısser Doshan Joljaqsynovqa, qoıýshy sýretshi Rýstam Odınaevqa, sonymen qatar akterler Nýrsıfat Salyqova men Aıdos Bektemirge berildi.
Sonymen qatar, alǵashqy ulttyq «Tulpar» kınosyılyǵynda fılmniń avtorlary úzdik atanyp, «Úzdik er adam róli», «Úzdik qoıýshy sýretshi», «Úzdik kompozıtor», «Úzdik stsenarıı» atalymdary boıynsha tórt birdeı júldege qol jetkizdi. Odan bólek, Ýfada ótken III halyqaralyq ulttyq jáne etnıkalyq kıno «Kúmis Aqbozat» festıvalinde Ámir Ábdirazaqov atyndaǵy «Ulttyq rýh» júldesin ıelengen.
Aıta keteıik, Beıjiń halyqaralyq kınofestıvali Qytaıdyń baılanys, radıo, kınematografııa jáne telearnalar bas basqarmasy jáne Beıjińniń mýnıtsıpalıtetiniń halyq úkimeti, sondaı-aq Qytaıdyń kıno jónindegi basqarmasynyń uıymdastyrýymen ótkiziledi. Baıqaý uıymdastyrýshylarynyń aıtýyna qaraǵanda, Beıjiń festıvali jyldan jylǵa damyp, búginde Azııada ótip jatqan kınofestıvalderdiń kóshin bastap tur.
Bıyl baıqaýǵa 90 elden 1000-ǵa jýyq kınotýyndy qatysyp otyr. Olardyń ishinen negizgi baǵdarlamaǵa 15 fılm iriktelip alynǵan. Konkýrstyq baıqaýǵa usynylǵan fılmderdiń úzdigin belgili dat rejısseri Bıll Avgýst tóraǵalyq etetin halyqaralyq qazylar alqasy anyqtaıtyn bolady. 
