«Qunanbaı» fılmi Ýfada ótken festıvaldiń júldesin ıelendi
ASTANA. QazAqparat - Ýfada ótken «Kúmis Aqbozat» III halyqaralyq ulttyq jáne etnostyq kınolar festıvalinde «Qunanbaı» fılmi Ámir Ábdrazaqov atyndaǵy «Ulttyq rýh úshin» syılyǵyna ıe boldy, dep habarlaıdy bashinform.ru.
Úsh kúnge sozylǵan baıqaýǵa túrli eldiń 24 fılmi qatystyryldy.
«Bashqurstan» memlekettik kontsert zalynda festıval jeńimpazdary marapattaldy. Bas júlde - Gran-prıdi Bangladeshten kelgen «Jalal tarıhy» atty Ábý Shahed Emonnyń tolyq metrajdy fılmi ıelendi.
Qazaqstan fılmi Doshan Joljaqsynovtyń «Qunanbaıy» Ámir Ábdrazaqov atyndaǵy «Ulttyq rýh úshin» syılyǵyna ıe boldy.
Sonymen qatar, úzdik operatorlyq jumys, úzdik stsenarıı, úzdik rejısserlik jumys atalymdary boıynsha birqatar fılmder marapattaldy.
Saltanatty jabylý keshti reseı ártisi Artem Mıhalkov pen Bashqurt jastar teatrynyń aktrısasy Gúlshat Gaısına júrgizdi.
Eske sala ketsek, «Qunanbaı» tarıhı kórkem fılmi 2015 jyldyń 15 mamyrynda tusaýkeseri ótkizildi, al fılm jyl sońynda jalpyulttyq prokatqa shyqty. Ol uly aqyn Abaıdyń ákesi Qunanbaı Óskenbaıulyna arnalǵan.
Fılmdi qazaqstandyq kınorejısser,
Qazaqstannyń halyq ártisi, QR memlekettik syılyǵynyń laýreaty Doshan Joljaqsynov túsirgen.
Kórkem fılm stsenarııin Doshan Joljaqsynov pen jazýshy Talasbek Ásemqulov jazdy.
Fılm Qunanbaıdyń týǵan jerinde, Shyǵys Qazaqstan oblysy Abaı aýdany Qaraýyl kentinde jáne Almaty oblysynda túsirilgen.
