«Qunanbaı» fılmi 3 jeltoqsanda prokatqa shyǵady
ASTANA. QazAqparat - 3 jeltoqsanda jalpyulttyq prokatqa «Qunanbaı» tarıhı kórkem fılmi shyǵady. Ol uly Abaıdyń ákesi Qunanbaı Óskenbaıulyna arnalǵan, dep habarlady «Qazaqfılm» AQ baspasóz qyzmetinen.
«Daryndy qazaqstandyq kınorejısser, teatr jáne kıno akteri, prodıýser, Qazaqstannyń halyq ártisi, QR memlekettik syılyǵynyń laýreaty Doshan Joljaqsynovtyń «Qunanbaı» tarıhı kórkem fılmi prokatqa shyǵady»,- delingen habarlamada.
D. Joljaqsynov «Daladaǵy qýǵyn» (1979), «Altyn kúz» (1980), «Kóshpendiler» (2010) jáne t.b. fılmder boıynsha belgili. Onyń rejısser retindegi alǵashqy eńbegi - «Birjan sal» fılmi boldy. Ony qazaqstandyqtarmen qatar sheteldik kórermen joǵary baǵalady.
Fılm Qunanbaı Óskenbaıulynyń ómirimen birge XIX ǵasyrdaǵy eldiń tynys-tirshiligimen tanystyrady. Kórkem fılm stsenarııin Doshan Joljaqsynov pen jazýshy Talasbek Ásemqulov jazdy.
Fılm Qunanbaıdyń týǵan jerinde, Shyǵys Qazaqstan oblysy Abaı aýdany Qaraýyl kentinde jáne Almaty oblysynda túsirilgen.
