Kún jylynady: aldaǵy úsh kúnde Qazaqstan halqyn qandaı aýa raıy kútip tur

ASTANA. KAZINFORM – Sınoptıkter elimizde kún jylynyp, keı óńirlerde jaýyn-shashyn, kóktaıǵaq bolatynyn boljap otyr.

погода ауа райы
Фото: Мухтор Холдорбеков/Kazinform

Qazaqstan boıynsha kóktemgi aýa raıy ornaıdy dep boljanady: ońtústik óńirlerde kún aıtarlyqtaı jylynady. Al soltústikte áli de jaýyn-shashyn men kóktaıǵaq bolýy múmkin.

«Qazgıdromet» RMK málimeti boıynsha, elordada aldaǵy kúnderi kún azdap jylynady.

Sınoptıkterdiń boljamyna súıensek, Astanada 17 naýryz kúni aýa temperatýrasy +5 + 7 °C bolady, jeldiń jyldamdyǵy – 9-14, ekpini 15-20 m/s deıin jetedi. Al keshke elordada aýa temperatýrasy 0, -2 °C deıin tómendeıdi.

18 naýryzda Astanada kúndiz aýa temperatýrasy +7+9 °C-qa jetedi, jeldiń ekpini 15-20 m/s deıin, al túnde +1+3 °C-qa deıin tómendeıdi.

19 naýryzda elordada kúndiz aýa temperatýrasy +7 + 9 °C, jeldiń jyldamdyǵy 9-14 m/s, túnde 0, +2 °C deıin salqyn bolady.

Almatyda 17 naýryzda aýa temperatýrasy kúndiz +15+17 °C, jeldiń jyldamdyǵy 2-7m/s, túnde +2+4 °C bolady.

18 naýryzda Almatyda kúndiz +18+20 °C deıin, túnde +5+7 °C deıin kún jylynady.

19 naýryzda aýa temperatýrasy kúndiz +20+22 °C, túnde +7 + 9 °C deıin jylıdy. Jeldiń jyldamdyǵy 2-7m/s bolady.

Qostanaı, Aqmola jáne Soltústik Qazaqstan oblystarynda jańbyr men qar, tuman jáne kóktaıǵaq túrinde jaýyn-shashyn bolady. Túnde aýa temperatýrasy -3-ten +2°S, kúndiz + 4...+9°S.

Eldiń batys bóligi – Atyraý, Aqtóbe, Mańǵystaý jáne Batys Qazaqstan oblystarynda aýa raıy jaýyn-shashynsyz. Biraq kúshi 20 m/s deıin jel men shańdy daýyl turady.

Kúndizgi aýa temperatýrasy +18...+24°S, túnde +5...+12°S.

Túrkistan, Almaty, Qyzylorda, Jambyl jáne Jetisý oblystarynda kún jyly jáne jaýyn-shashynsyz bolady. Kúndiz aýa temperatýrasy + 20...+25°S, túnde + 4...+9°S.

Shyǵys óńirlerde – Pavlodar, Shyǵys Qazaqstan men Abaı oblystarynda aýa raıy jaýyn-shashynsyz bolady, keı jerlerde tuman túsedi.

Kúndiz aýa temperatýrasy +3...+8°S, túnde -10...-2°S.

Ortalyq óńirlerde – Qaraǵandy oblysy men Ulytaý oblysynda aýa raıy jaýyn-shashynsyz. Keıde tuman túsip, joldarda kóktaıǵaq bolady.

Túnde aýa temperatýrasy 0-5, keı jerlerde 10 gradýsqa deıin.

Shymkent turǵyndaryn aldaǵy úsh kúnde jyly aýa raıy qýantaıyn dep tur. Kóshpeli bult shyǵady jáne ońtústik-shyǵystan jel soǵady, kúshi – 3-8 m/s. Aýa temperatýrasy túnde +4...+9°S, kúndiz +20...+27°S.

Aıta keteıik, «Qazgıdromet» RMK 17 naýryzda elimizdiń birneshe óńirinde daýyldy eskertý jasady.

Сейчас читают