Kún saıyn jarty mıllıonnan astam adam dárigerdiń kómegine júginedi
Onyń aıtýynsha, elimizdiń barlyq medıtsına qyzmetkerleriniń tynymsyz eńbeginiń arqasynda bıyl kezeń-kezeńimen 2016-2019 jyldarǵa arnalǵan «Densaýlyq» memlekettik baǵdarlamasynyń negizgi ındıkatorlaryna qol jetkizilgen.
«Keıingi on jylda eldegi ómir súrý uzaqtyǵy 72 jasqa jetti. Ana ólimi 10 jylda 3,2 ese azaıdy. Sábı ólimi 2016 jyly týǵan 1000 balaǵa 8,6 qurady. Júrek-qantamyry aýrýlarymen naýqastaný men ólimi tómendedi. 2015 jylmen salystyrǵanda qaterli isik aýrýlarymen naýqastaný men ólimi azaıdy. On jylda jaraqat pen ulanýdan ólim eki esege tómendedi. 22 ınfektsııalyq aýrýlarymen naýqastaný da azaıdy. Bul sandar medıtsına qyzmetkerleriniń eren eńbeginiń aıǵaǵy», - dedi ol.
Vıtse-mınıstrdiń dereginshe, kún saıyn jarty mıllıonnan astam qazaqstandyq dárigerlerge júginip, 8 myńǵa jýyq patsıent statsıonarlarda emdeledi. Kúndelikti 1100-den astam áıel ana atalady, táýligine hırýrgtar 2 myń 200-den astam patsıentke operatsııalar jasaıdy, kún saıyn jedel járdem 20 myń 700 retten astam naýqastardyń shaqyrýlaryna barady.
«Memlekettik baǵdarlamanyń 2016 jylǵy aldyn ala qorytyndylary kútiletin ómir súrý uzaqtyǵy, halyq densaýlyǵynyń ındeksi, halyqtyń medıtsınalyq kómektiń sapasyna qanaǵattanýshylyq deńgeıi sııaqty negizgi medıtsınalyq-demografııalyq kórsetkishteriniń jaqsarǵanyn kórsetedi. Bul medıtsına qyzmetkerleriniń adal eńbeginiń nátıjesi», - dedi Alekseı Tsoı.