Kún saıyn shaı ishýdiń segiz sebebi
ASTANA. QazAqparat - Tabıǵı shaı - adamzatqa qajetti sýsyndardyń biri. Fıthakerge silteme jasap Day.Az habarlaǵandaı, onyń ár alýan, paıdaly, tynyshtandyratyn, sergitetin qasıetteri bar. Adamǵa kúsh-qýat beretin osynaý sýsynnyń mańyzdy qasıetterine jáne ony ne sebepti kún saıyn tutynatynymyzdyń syryna úńilip kóreıik:
1. Kofege qaraǵanda shaıdy demdeý jeńilirek. Kofeúgitkish paıdalanyp, kofe qaınatqansha, qaınaǵan sýǵa demdep shaı ázirleý áldeqaıda jyldam bitetin is.
2. Kók shaı súıektiń syný qaýpin azaıtady. Ol qan-tamyrlaryn tazartyp, egde adamdarda osteoporoz qaýpin edáýir tómendetedi.
3. Qant qosylmaǵan qara shaı aýyzdan shyǵatyn jaǵymsyz ıisti ketiredi. Zertteý shaıda polıfenoldyń bar ekenin kórsetti. Ol aýyzda jaǵymsyz ıistiń paıda bolýyna áser etetin bakterııalardy joıady.
4. Qytaılyqtar shaıdy eń qajetti sýsyn dep sanaıdy. Olardyń tanymynda kúndelikti adam ómirine eń qajetti zattardyń qataryna aǵash, tuz, kúrish, maı, sirke sýy, sonymen birge shaı jatady.
5. Shaıdyń tynyshtandyratyn qasıeti bar. Shóp qosylǵan shaı egde adamdardy tynyshtandyratyn, sergitetin qasıetke ıe.
6. Shaı kóktemgi allergııalyq áserdi tómendetedi. Maýsymdyq allergııańyz bolsa, tańerteń qalaqaı qosylǵan shaı ishińiz. Bul allergııalyq áserdi tómendetedi. Qalaqaı japyraǵy qandy tazalap, jumsaq qabynýǵa qarsy áserge ıe.
7. Sýǵa qaraǵanda, shaıdyń paıdasy kóp degen ǵalymdardyń pikir bar. Shaıdyń quramyndaǵy antıoksıdant onyń paıdalylyǵyn arttyrady.
8. Shaıdy túski astan keıin ishpeı tura almaısyz. Túski as pen keshki as arasynda shaıdy ishpeıtin adam kemde-kem. Shaı kofeden jıynyna, tal-shilikti surpyna, óńdeý ádisine, saqtaý merzimine qaraı erekshelenedi. Pýer surypty shaıda japyraq, órken, búrshikteri bolady, onyń saqtalý merzimi 10 jylǵa deıin jetedi. Ýlýng surypty shaı qara jáne kók shaı qasıetterin qatar qamtıdy.
