Kún saıyn onǵa jýyq jat dinı ıdeologııany nasıhattaıtyn saıttar anyqtalýda - Mádenıetter men dinderdiń halyqaralyq ortalyǵy
ALMATY. 30 mamyr. QazAqparat - Din isteri agenttigi dinı ádebıetterge ǵana emes, dinı saıttarǵa da saraptama jasaýda. Bul týraly keshe agenttiktiń Qazaqstandaǵy dinı ahýal máseleleri jónindegi konsýltatsııalyq-saraptamalyq keńesiniń Almatyda ótken kóshpeli otyrysynda aıtyldy.
«Kún saıyn elimiz ben shet eldegi dinı ahýalǵa monıtorıng jasap otyramyz. Ol agenttiktiń saıtynda da jarııalanyp turady. Sondaı-aq ǵylymı zertteý ınstıtýttary, taldaý ortalyqtary men dintanýshylar kongresimen birlesip dinı ádebıetterge saraptama júrgizilip jatyr. Oǵan Fılosofııa, saıasattaný jáne dintaný ınstıtýtyn belsendi túrde atsalysýǵa shaqyramyz», - dedi Din isteri agenttigi Mádenıetter men dinderdiń halyqaralyq ortalyǵynyń dırektory, fılosofııa ǵylymdarynyń doktory, professor Aıdar Ábýov. Onyń aıtýynsha, ortalyq qyzmetkerleri kún saıyn 10-ǵa jýyq jat dinı ıdeologııany belsendi túrde nasıhattaıtyn saıttardy anyqtaýda. Qazaq, orys tilinde jumys jasaıtyn bul saıttardyń jabylǵan soń da ataýyn ózgertip, túrli ataýmen óz jumysyn qaıta jalǵastyratyn jaǵdaılary jıi kezdesýde. Bul qazirgi tańda eń kókeıkesti másele bolyp otyr.
