Kún saıyn Qazaqstanda jedel-járdem kóligi 16 myń 900 ret shaqyrylady
ASTANA. 21 qańtar. QazAqparat - Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý vıtse-mınıstri Erik Baıjúnisov jedel-járdem jumystarynyń nátıjesin atady.
«Bir jylda elimizdiń halqy jedel-járdem kóligin 6 mln. 175 myń márte shaqyrady. Atap aıtqanda, kún saıyn jedel-járdem kóligi 16 myń 900 ret shaqyrylady eken. Bul densaýlyq saqtaý júıesinde atqarylatyn aýqymdy jumystardyń bir parasy»,-dedi vıtse-mınıstr.
