Kún saıyn ınfektsııadan emdelgender sany artyp keledi - Aıjan Esmaǵambetova

NUR-SULTAN. QazAqparat – Qazaqstanda koronavırýstan emdelgender sany kún saıyn artyp keledi. Bul týraly QR Bas memlekettik sanıtar dárigeri Aıjan Esmaǵambetova málim etti, dep habarlaıdy QazAqparat tilshisi.

«Qazaqstanda koronavırýs juqtyrǵan adamdar sany 11 571 boldy, 41 naýqas qaıtys boldy. Kún saıyn ınfektsııadan emdelgen sany artyp keledi. Qazirgi kezde adamdar jumystaryna oralyp jatyr, kóshede júrý talaptary jeńildetildi», - dedi A. Esmaǵambetova.

Onyń paıymynsha, áleýmettik qarym-qatynastyń artýy ınfektsııanyń taralýynyń joǵarylaýyna alyp kelýi múmkin.

«Atap aıtqanda, teńgerimdi jáne ınfektsııa taralýynyń baqylanatyn deńgeıin saqtaý kóbine turǵyndardyń ózderine baılanysty. Bul turǵyda ár adam óz ornynda profılaktıka sharalaryn oryndaý deńgeıine qatysty bolyp tur. Bıznes nysandary, jumys berýshiler, sondaı-aq turǵyndar qyzmet alatyn jerlerde tıisti erejeni saqtap, indettiń taralmaýyna úlesin qosýy tıis», - dedi Bas memlekettik sanıtar dárigeri.

Budan buryn habarlanǵandaı, Qazaqstanda koronavırýs juqtyrǵan buqaralyq aqparat quraldarynyń jeti ókili tirkeldi.