Kún saıyn avtobýstardyń 10% jumysqa shyqpaıdy – Saǵyntaev
ALMATY. QazAqparat - Almaty ákimi Baqytjan Saǵyntaev Bostandyq aýdanynyń turǵyndarymen kezdesýde qaladaǵy qoǵamdyq kólikterdiń jaǵdaıy týraly aıtty, dep habarlaıdy QazAqparat tilshisi.
«Turyǵyndardy qoǵamdyq kólikpen tolyq qamtamasyz etý úshin bizge keminde 2100 avtobýs qajet. Búgingi kúni 1600 avtobýs bar. Olardyń barlyǵy jelige birdeı shyqpaıdy. Buzylady, jolda synyp qalady. Kúnde tańerteń adam tasymaldaýǵa shyqqan avtobýstar týraly aqparat alyp otyramyn. Tańǵy saǵat 08:00-de qoǵamdyq kólikterdiń 88-90% júredi. ıAǵnı qoldanystaǵy 1600 avtobýstyń 10% shyqpaıdy. 160 avtobýs júrmeıdi. Nege shyqpaıdy? Buzylady!», - dedi Baqytjan Saǵyntaev.
Ákim júrgizýshilerge qatysty máseleni aıta kele, olardyń kóbi qalany jaqsy bilmeıtinin, syrttan kelgenin jetkizdi.
Sondaı-aq, ol kelesi jyly 200 trolleıbýs satyp alynatynyn atap ótti.
Aıta keteıik, buǵan deıin shahar basshysy Almatyǵa jetkizilýi tıis 200 jańa avtobýs nelikten keshiktirilip jatqanyn túsindirgen bolatyn.
