Kún saıyn adamdarǵa kómek qolyn sozǵym keledi – Elmıra Saqalova
«Mamandyǵym - zańger. Uzaq ýaqyt boıy sotta, PwC kompanııasynda jumys istedim. Búginde Parlamentarızm ınstıtýtynda qyzmet etemin. Bul mamandyqqa tańdaý jasaýdaǵy basty sebepterdiń biri eń myqty bilim – zań bilimimen ózińniń jan-jaqty qarýlanǵanyńdy seziný. Qazirgi ýaqytta kúndelikti ómirdegi barlyq salada ózińniń is-áreketińe durys quqyqtyq baǵa bere bilý óte mańyzdy. Jalpy, jumysym qatty unaıdy, qyzyqty Biz depýtattardyń suraýy boıynsha shet memleketterdiń zańnamasyna salystyrmaly taldaý jasaımyz. Olardyń tájirıbesin, keıbir máselelerdi álemdik qaýymdastyq qalaı sheshetinin qarastyramyz. Eń jaqsy tájirıbeni tańdap, depýtattardyń qaraýyna usynys jiberemiz», - dedi Elmıra Saqalova.
Búginde ol negizigi jumysymen qatar volenterlikpen de aınalysady. Qoǵamǵa paıdasyn tıgizýdi basty maqsaty sanaıdy.
«Negizinen jaǵdaılyq jáne áleýmettik volonterlikpen aınalysamyn. ıAǵnı, adamdarmen tyǵyz-qarym-qatynasta bolamyn. Qazirgi ýaqytta densaýlyǵynyń múmkindigi shekteýli adamdarǵa, balalarǵa jan-jaqty kómek kórsetip, qalalyq túrli is-sharalardy, aktsııalardy uıymdastyrýǵa qatysamyn. Osy salada jańa bilim alý, sonymen qatar ózge qalalardaǵy volenterlik uıymdarmen arada tájirıbe almasý úshin eriktiler forýmyna qatysyp turamyn. Ómirim jarqyn ári qyzyqty bola tústi. Kúnnen saıyn adamdarǵa kómek qolyn sozǵym keledi. Buǵan qosa mol jumys tájirıbesin alyp, jańa bilim alýǵa umtylamyn. Ómirge nyq senimmen qaraýǵa úırenemin. Volonterlikpen erikte túrde aınalysyp júrmin. Óıtkeni, ár isimniń barlyq ýaqytta da nátıjesi bolady», - dedi volenter.
Elmıra Jarasqyzy 2019 jyly «Astana kómek qory» qaıyrymdylyq qorynyń negizin qalady.
«Erekshe qajettiligi bar balalarǵa kómek qolyn sozamyz. Azyq-túlik sebetimen kómektesip, kópbalaly otbasylardan shyqqan balalardyń mektepke barýy úshin qajetti zattaryn alyp beremiz. Tipti indet órship turǵan kezdiń ózinde de muqtaj jandarǵa azyq-túlik, dári-dármek jetkizip berýmen aınalystyq. Osydan keıin ýaqyt óte kele analar kómek suraı bastady. Sondyqtan 2020 jyly «Kásipker ana Qazaqstan» qoǵamdyq qoryn ashyqtyq. Qordyń negizgi maqsaty – halyqtyń osal tobynan shyqqan analardy úıde otyryp jumys isteýi jáne óz isin damytýy úshin túri mamandyq boıynsha sheberlikke, daǵdyǵa úıretý. Búginde kóptegen alǵys hat alyp, qoǵam tarapynan jyly pikir, izgi tilek, rızashylyq estidim. Al bul jaıt júregińe jylý syılaıdy», - dedi Elmıra Saqalova.
