Kún saıyn 30 myń adam elektrondyq portaldyń qyzmetin paıdalanady - Kólik jáne kommýnıkatsııa vıtse-mınıstri S. Sársenov

ASTANA. 5 qazan. QazAqparat - 1 mıllıon 145 myńnan astam elektrondyq sandyq qoltańbalar berildi.

 Bul týraly búgin Astanada «Aqparattyq Qazaqstan - 2020» memlekettik baǵdarlamasynyń jobasy boıynsha qoǵamdyq tyńdaý kezinde QR Kólik jáne kommýnıkatsııa vıtse-mınıstri Sáken Sársenov málim etti.

«Qazaqstanda elektrondyq úkimet qalyptasty dep aıtýǵa bolady, ıaǵnı joba júzege asyryldy»,-dep toqtalǵan vıtse-mınıstr: «azamattarǵa 13 mıllıonnan astam elektrondyq anyqtamalar jasaldy. Sonymen qatar 1 mıllıon 145 myńnan astam elektrondyq sandyq qoltańbalar berildi»,-dedi.

Onyń sózine qaraǵanda, kún saıyn 25-ten 30 myńǵa deıin azamat elektrondyq portaldyń qyzmetin paıdalanady.