Kún saıyn 20 mınýt serýendeý adam ómirin jeti jylǵa uzartady
ASTANA. QazAqparat - Nemis ǵalymdary júrek pen qan tamyrlarynyń saýlyǵyn saqtaýǵa jáne ómirdi 3-7 jylǵa uzartýǵa kún saıyn turaqty túrde 20 mınýttan serýendeý járdemdesetinin anyqtady.
Saarbrıýken Saarlandsk ýnıversıtetiniń (Germanııa) zertteýshileri alty aı ishinde buryn sportpen aınalyspaǵan, temeki shekpegen 30-60 jas aralyǵyndaǵy 69 adamnan qurylǵan topty baqylady. Eksperıment kezinde synaqtan ótýshiler turaqty túrde túrli jattyǵýlar oryndap, qan taldaýyn tapsyrdy, dep habarlady "Vokrýg sveta".
Alynǵan nátıjelerge sáıkes, jattyǵýlar zertteý qatysýshylarynyń qartaıý úrdisin báseńdetken.
«Jattyǵý kómegimen óz jasynan birshama jas kóriný múmkindigi artyp, densaýlyq jaqsarady, ári 3-7 jylǵa deıin ómir uzarady», - dep atap ótti londondyq Kıeli Georg ýnıversıtetiniń kordıologııa professory Sanjaı Sharma. Dárigerdiń aıtýynsha, sport tipti káriliktegi aqyl kemdiktiń damýynyń aldyn alady.
Jattyǵý jasaýǵa daǵdylaný esh ýaqytta kesh emes. 50-60 jasta qalypty júktememen júrek talmasynan ólim-jitim qaýpin 50 paıyzǵa tómendetýge bolady. Tipti 70 jasta jattyǵý jasasańyz, júrek aýrýynyń damýy 10 paıyzǵa tómendeıtin bolady degen senimde ǵalymdar.
Sarapshylar júrek pen qan tamyrlaryn saý ustaý úshin kúnine 20 mınýt jaıaý júrýge nemese júgirýge keńes beredi. Sonymen qatar temekiden bas tartý qajet.
