Kún saıyn 10 jastaǵy qyzdardyń 47 myńnan astamy kúıeýge tııýge májbúr

ASTANA. QazAqparat - Kún saıyn álem boıynsha 10 jastaǵy qyzdardyń 47 myńnan astamy kúshtep kúıeýge shyǵarylady. Bul týraly BUU Halyqty qonystandyrý qory baǵdarlamasynyń (ıÝNFPA) atqarýshy ókili Raıymbek Sısemalıev málim etti, dep habarlaıdy QazAqparat.

 Astanada BUU Halyqty qonystandyrý qory baǵdarlamasynyń «10: Osy jastaǵy qyzdardan bizdiń bolashaǵymyz qanshalyqty táýeldi» degen taqyryppen baıandamasy tanystyryldy.
 
«Kún saıyn 47 700 qyz, onyń kóbi 10 jasta, kúshtep kúıeýge beriledi. Balalyq neke júktilikke ákeledi. Balanyń júktiligi árqashan qaýipti, onyń ústine qyzdar oqýdy tastap ketýge májbúr bolady. Bul óz kezeginde onyń bolashaǵyna balta shabady. Jynystyq turǵyda tolysqan mıllıondaǵan qyz ómirbaqı kedeılikten kóz ashpaıdy, quqyqtary aıaqqa taptalyp, múmkindikterdi paıdalana almaı, qor bolady», - deıdi Sısemalıev.

Onyń aıtýynsha, bilim alǵan boıjetkenderdiń eger quqyqtary taptalmasa, tabysy úsh esege deıin kóp bolady. Olardyń densaýlyqtary edáýir jaqsy keledi. Tabystyń, eńbek tıimdiliginiń joǵary bolýy - memlekettiń damýyna qatty áser etedi. Bizdiń bolashaǵymyz 10 jastaǵy 60 mıllıon qyzdyń taǵdyryna qatty táýeldi ekendigin atalmysh baıandama kórsetip otyr.