Kún sáýlesinde eń qýatty jarqyl boldy

ASTANA. KAZINFORM –  Juma kúni Kún betinde joǵary klasty qýatty jarqyraý boldy. Bul – Kúnniń sońǵy úsh aıda ekinshi ret qýatty jarqyraýy. Bul týraly reseılik qoldanbaly geofızıka ınstıtýtynyń mamandary habar taratty, dep jazady TASS.

«10 mamyrda Máskeý ýaqyty boıynsha saǵat 09:54-te (Astana ýaqyty boıynsha 11:54) rentgen dıapazonynda 3664 (S17W34) kún daqtary tobynda uzaqtyǵy 39 mınýt bolatyn X3,9 alaýy anyqtaldy. Oqıǵa qysqa tolqyndy radıobaılanystyń úzilýimen qatar júrdi», - delingen habarlamada.

Sonymen qatar 10 mamyrda jeti M klasty alaý tirkeldi. 35 mınýtqa sozylǵan X6.4/3B eń kúshti alaý 23 aqpanda tirkeldi. 6 mamyrda X4,5 alaýy tirkeldi. Sońǵy eki aptada eń joǵary X klasynyń 10 ret qaıtalanýy boldy.