Kún raıynyń kúrt buzylýyna baılanysty 5 óńirdegi mańyzdy avtojoldar jabyldy
ASTANA. KAZINFORM — «QazAvtoJol» UK » AQ málimeti boıynsha, qolaısyz aýa raıy jaǵdaıy, qatty jel sondaı-aq joldyń kórinbeýine baılanysty 5 óńirdegi respýblıkalyq mańyzy bar avtojoldardyń 10 ýchaskesinde qozǵalys jabyldy ári shekteldi.
«Aqtóbe, Aqmola, Qostanaı, Jambyl, Túrkistan oblystarynda kólik quraldarynyń barlyq túrleriniń qozǵalysy jabyq», — delingen habarlamada.
QR TJM Strategııalyq josparlaý jáne jedel basqarý komandalyq ortalyǵynda 8 (7172) 70-41-14, sondaı-aq Aqmola oblysynyń TJD 8(7162) 52-09-50 jedel jelisiniń telefony ashyldy.
Aıta keteıik, daýyldy eskertýler men aýa-raıynyń nasharlaýy kezinde QR TJM mynalardy usynady:
alys saparlardan aýlaq bolý; aýyldyq jerlerdiń turǵyndary uzaq saparlardan bas tartý;
eldi mekenderden tys jerlerge shyqpaý;
jol jabylatyn jerlerde kólik quraldarynyń jınalýyn jasamaý;
múmkin bolsa, eldi mekenderde, kempıngterde nemese jol boıyndaǵy kafelerde toqtalý.
