Kún raıynyń buzylýynan Oralǵa avıareıster toqtatyldy

Oral qalasynda kún raıynyń nasharlaýyna jáne kóktaıǵaqqa qarsy mashınanyń buzylýyna baılanysty Oralǵa ushatyn/ushyp shyǵatyn tikeleı reıster toqtatyldy, dep habarlaıdy Kazinform Air Astana kompanııasyna silteme jasap.

Avıakompanııa 27 jáne 28 qazanǵa josparlanǵan Almaty-Oral-Almaty baǵytyndaǵy reısti (KC881/KS882) Aqtóbe arqyly oryndaıtyn boldy. Almatydan Aqtóbege reıs 29 qazanda saǵat 04:20-da (Almaty ýaqytymen), qaıtar reıs 07:05-te (Aqtóbe ýaqytymen) oryndalady.

Jolaýshylar Oral men Aqtóbe arasyna kólikpen jetkiziledi.

«27 qazanda Oraldan oryndalmaı qalǵan reıstiń jolaýshylary qonaqúıge ornalastyrylyp, tamaqpen qamtamasyz etildi. Almatydan ushatyn jolaýshylar da tamaq pen sýsynmen qamtamasyz etilgen.

Oralǵa ushatyn/ushyp shyǵatyn tikeleı reısterdiń toqtatylýyna aýa raıynyń qolaısyzdyǵy jáne Oral áýejaıyndaǵy muzdy ketiretin mashınanyń isten shyǵýy sebep boldy», - dep túsindirdi áýe kompanııasynan.