Kún raıynyń buzylýy: Elimizdiń 9 oblysynda eskertý jarııalandy

ASTANA. KAZINFORM - Kún raıynyń qolaısyzdyǵyna baılanysty Qazgıdromet elimizdiń 9 oblysynda eskertý jarııalady.

21 qazanda Jetisý oblysynda soltústik-shyǵystan jel soǵady, Alakól aýdanynda ekpini 15-20, kúndiz keı ýaqyttarda 23-28 m/s bolady. Oblystyń batysynda, ortalyǵynda 3 gradýs úsik júredi.

Taldyqorǵan qalasynda túnde 1-3 gradýs úsik kútiledi.

21 qazanda túnde jáne tańerteń Qostanaı oblysynyń soltústiginde, shyǵysynda tuman kútiledi.

Qostanaı qalasynda 21 qazanda túnde jáne tańerteń tuman kútiledi.

21 qazanda túnde Qyzylorda oblysynyń soltústiginde, ońtústiginde, ortalyǵynda naızaǵaı oınaıdy. Jel batystan, ońtústik-batystan soǵady, kúndiz oblystyń soltústiginde, ońtústiginde, ortalyǵynda kúshi 15-20 m/s-ǵa jetedi.

Qyzylorda qalasynda túnde naızaǵaı kútiledi.

21 qazanda tańerteń jáne kúndiz Túrkistan oblysynyń soltústiginde, batysynda, taýly jáne taý bókterli aýdandarynda naızaǵaı oınaıdy. Ońtústik-batystan soltústik-batysqa aýysatyn jel soǵady, tańerteń jáne kúndiz oblystyń soltústiginde, batysynda, taýly jáne taý bókterli aýdandarynda kúshi 15-20 m/s bolady.

Shymkent qalasynda kúnniń ekinshi jartysynda naızaǵaı kútiledi. Ońtústik-batystan soltústik-batysqa aýysatyn jel soǵady, kúndiz ekpini 15- 20 m/s bolady. 

Túrkistan qalasynda kúndiz naızaǵaı kútiledi. Ońtústik-batystan soltústik-batysqa aýysatyn jel soǵady, kúndiz ekpini 15-20 m/s-ǵa jetedi.

21 qazanda túnde Atyraý oblysynyń shyǵysynda keı ýaqytta qatty jańbyr bolady. Oblystyń soltústiginde, ońtústiginde tuman kútiledi.

Atyraý qalasynda 21 qazan kúni túnde jáne tańerteń tuman kútiledi.

21 qazanda Ulytaý oblysynda ońtústik-shyǵystan soǵatyn jel ońtústik-batysqa aýysady, kúndiz oblystyń batysynda, ońtústiginde ekpini 15-20 m/s bolady.

21 qazanda túnde jáne tańerteń Soltústik Qazaqstan oblysynyń ońtústiginde, batysynda tuman kútiledi.

21 qazanda túnde Aqtóbe oblysynyń batysynda, ortalyǵynda nóser jańbyr jaýady.

21 qazanda kúndiz Jambyl oblysynyń batysynda, soltústiginde, ońtústiginde, taýly aýdandarynda naızaǵaı oınaıdy.

21-22 qazanda túnde jáne tańerteń oblystyń batysynda, shyǵysynda, taýly aýdandarynda tuman kútiledi. Ońtústik-batystan soǵatyn jel soltústik-shyǵys jeline aýysady, 21 qazanda oblystyń ońtústik-batysynda, soltústik-shyǵysynda, taýly aýdandarynda 15-20, kúndiz ekpini 23 m/s bolady. 22 qazanda oblystyń taýly aýdandarynda 15-20, ekpini 23 m/s bolady.

Taraz qalasynda 21-22 qazanda túnde jáne tańerteń tuman kútiledi.

22 qazanda kúndiz naızaǵaı jarqyldaıdy.