Kún raıyna baılanysty birneshe óńirde oqýshylar qashyqtan oqıdy

ASTANA. KAZINFORM — Aýa raıynyń qolaısyzdyǵyna baılanysty birneshe óńirde І aýysymdaǵy 1–11 synyp oqýshylary qashyqtan oqýǵa kóshirildi.

Qaraǵandy qalasynyń bilim bólimi búgin aýa raıynyń qolaısyzdyǵyna baılanysty birinshi aýysym 0-4 synyp oqýshylarynyń sabaqtary qashyqtan oqýǵa kóshiriletinin habarlady.

Sondaı-aq Kókshetaý qalasynyń bilim bólimi de birinshi aýysymnyń oqýshylary onlaın oqıtynyn málim etti. 

Pavlodar oblysynda da, aýa raıynyń qolaısyzdyǵyna (aıaz) baılanysty 24 aqpanda Pavlodar oblysynda І aýysymdaǵy 1–11 synyp oqýshylary, sondaı-aq kolledjderdiń 1–2 kýrs stýdentteri (9 synyp baza negizinde) qashyqtan oqytý formatyna aýystyryldy.

Búgin aıaz kúsheıgenine baılanysty Astanada da birinshi aýysymda oqıtyn oqýshylar onlaın oqýǵa kóshirildi.

— 2026 jylǵy 24 aqpan kúni aýa raıynyń qolaısyzdyǵyna (aýa temperatýrasynyń tómendeýine) baılanysty birinshi aýysymnyń 0-9 synyp oqýshylary qashyqtan oqytý formatyna aýystyrylady, — delingen habarlamada.

Sonymen qatar erteń Soltústik Qazaqstan oblysynda mınýs 30 gradýsqa deıin qatty aıaz bolady. Sondyqtan 1-11 (keıbir jaǵdaıda 12) synyp oqýshylaryna sabaq bolmaıdy, ıaǵnı oqýshylar onlaın formatta bilim alady.

Eschke sala keteıik, aldaǵy kúnderi túngi ýaqytta batys oblystarda aýa temperatýrasy 15–25 gradýs aıaz,a deıin tómendeıtinin jazǵan edik. Soltústik jáne ortalyq óńirlerde termometr kórsetkishi 28–37 gradýsty kórsetse, shyǵysta 32–40 gradýs aıaz kútiledi. Al ońtústik oblystarda aýa temperatýrasy 0–10 gradýs aıaz shamasynda bolady.