Kún raıyna baılanysty Astana men Pavlodar oblystarynda jol jabyldy
ASTANA. KAZINFORM — Saǵat 00:00–degi aqpar boıynsha, aýa raıynyń kúrt ózgerýine baılanysty «Astana — Ereımentaý — Shıderti» avtomobıl jolynyń 16-200 shaqyrymynda Astana qalasy — Pavlodar oblysynyń shekarasy ýchaskesi kóliktiń barlyq túriniń qozǵalysyna shekteý qoıyldy. Bul týraly QazAvtoJol-dyń baspasóz qyzmeti málim etti.
Aqmola oblysynda aýa raıynyń kúrt ózgerine baılanysty Astana-Ereımentaý-Shıderti avtomobıl jolynyń 200-254 shaqyrymynda kóliktiń barlyq túriniń qozǵalysyna shekteý qoıyldy.
Tipti búgin túnde Astanaǵa qar tústi.
27 aqpanda Jambyl oblysynyń Jýaly aýdanyna qar túsip, kútpegen jaǵdaı bolǵanyn jazǵan bolatynbyz.
Buǵan deıin «Qazgıdromet» RMK 1-2 mamyr kúnderiniń Qazaqstandaǵy aýa raıy boljamyn jarııalaǵanyn habarlaǵan edik. Respýblıkanyń soltústiginde, shyǵysynda, ońtústik-shyǵysynda jáne ortalyǵynda túnde qar aralas jańbyr jaýýy yqtımal, kún kúrkirep, ońtústik-shyǵysta burshaq jaýatyny boljanǵan edi.
Túnde Soltústik Qazaqstan oblysynyń soltústik-shyǵysynda, Pavlodar oblysynyń soltústiginde 2 gradýs úsik júredi.
