Kún raıyna baılanysty Aqmola oblysynda kólik qozǵalysyna shekteý qoıyldy

ASTANA. KAZINFORM - «QazAvtoJol»  aýa  raıynyń qolaısyzdyǵyna baılanysty Aqmola oblysynda jol qozǵalysynyń shektelgenin  habarlady. 

Búgin saǵat 23:00-de Aqmola oblysynda aýa raıynyń buzylýyna baılanysty kelesi avtojoldarda júk kólikterdiń qozǵalysyna shekteý qoıyldy: 

«Qostanaı-Áýlıekól-Surǵan» 232-260 shaqyrym, Qostanaı oblysynyń shekarasynan Surǵan aýylyna deıin;

«Jaqsy-Esil-Buzylyq» 71-82 shaqyrym, Aqsaı aýylynan Esil qalasyna deıin; 

«Jezqazǵan-Petropavl» 536-553 shaqyrym, Buzylyq aýylynan Surǵan aýylyna deıin jol jabyldy. 

Joldy 2024 jylǵy 17 jeltoqsan saǵat 08:00-de ashý josparlanǵan.

Eske sala keteıik, buǵan deıin Jambyl oblysynda kólik qozǵalysyna shekteý qoıylǵan edi.