Kún buzyldy: Qazir qandaı avtojoldar jabyq

ASTANA. KAZINFORM — Qazaqstannyń birqatar óńirinde aýa raıy buzylyp, kólik qozǵalysy shektelip jatyr. Osy oraıda «QazAvtoJol» qazirgi ýaqytta jabylǵan joldar týraly aqparat usyndy.

13 qańtar saǵat saǵat 18:00–de Soltústik Qazaqstan oblysynda respýblıkalyq mańyzy bar barlyq baǵyttaǵy avtojoldarda jolaýshylar tasymaldaıtyn reıstik avtobýstar men dızel otynymen júretin avtokólikterdiń qozǵalysyna shekteý engiziledi. 

Aqmola oblysy:

— «Astana — Kókshetaý — Petropavl — RF shekarasy» avtojolynyń 304-341 shaqyrym aralyǵy (Kókshetaý qalasynan Soltústik Qazaqstan oblysynyń shekarasyna deıin);

— «Kókshetaý — Kishkenekól — Bıdaıyq — RF shekarasy» avtojolynyń 14-50 shaqyrym aralyǵy (Kókshetaý qalasynan SQO shekarasyna deıin);

— «Kókshetaý — Rýzaevka» avtojolynyń 0-61 shaqyrym aralyǵy (Kókshetaý q. — SQO shekarasy);

— «Astana — Atbasar — Jaqsy — Rýzaevka — Sarykól — Qostanaı — RF shekarasy» avtojolynyń 856-915 shaqyrym aralyǵy (Jaqsy eldi mekeni — SQO shekarasy);

— «Jezqazǵan — Arqalyq — Petropavl» avtojolynyń 595-552 shaqyrym aralyǵy (SQO shekarasy — Surǵan eldi mekeni).

Qostanaı oblysy:

— «Astana — Atbasar — Jaqsy — Rýzaevka — Sarykól — Qostanaı» 683-729 shaqyrym aralyǵy (Sarykól aýyly — SQO shekarasy);

— «Mamlıýtka — Qostanaı» avtojolynyń 180-250 shaqyrym aralyǵy (SQO shekarasy — Uzynkól aýyly).

— Saǵat 20:00–de «Qostanaı — Áýlıekól — Surǵan» avtojolynyń 8-232 shaqyrym aralyǵy (Tobyl qalasynan Aqmola oblysynyń shekarasyna deıin);

Joldardy 2026 jylǵy 14 qańtar saǵat 10:00–de ashý josparlanǵan.

Saǵat 20:00–de Aqmola oblysynda aýa raıynyń buzylýyna baılanysty respýblıkalyq mańyzy bar barlyq baǵyttaǵy avtojoldarda jolaýshylar tasymaldaıtyn reıstik avtobýstar men dızel otynymen júretin avtokólikterdiń qozǵalysyna shekteý engiziledi. Joldy 2026 jylǵy 14 qańtar saǵat 10:00–de ashý josparlanǵan.

Pavlodar oblysy:

— «Astana — Shiderti — Pavlodar — Ýspenka — RF shekarasy» avtojolynyń 200-254 shaqyrym aralyǵy (Aqmola oblysynyń shekarasynan Shiderti aýylyna deıin).

Joldy 2026 jylǵy 14 qańtar saǵat 10:00–de ashý josparlanǵan.

Jetisý oblysy

Saǵat 19:30–da aýa raıynyń nasharlaýyna baılanysty respýblıkalyq mańyzy bar «Úsharal — Dostyq» avtojolynyń 84-164 shaqyrym aralyǵynda (Kóktuma aýylynan — Dostyq stansasyna deıin) kóliktiń barlyq túriniń qozǵalysyna shekteý engiziledi.

Batys Qazaqstan oblysy

Saǵat 19:30–da aýa raıynyń buzylýyna baılanysty respýblıkalyq mańyzy bar avtojoldarda júk jáne qoǵamdyq kólikterdiń qozǵalysyna shekteý qoıylady.

— «Atyraý—Oral» 371-189 shaqyrym aralyǵy (Chapaı eldi mekeninen Atyraý oblysy shekarasyna deıin)

— «Chapaev-Jalpaqtal-Kaztalovka-RF shekarasy» avtomobıl jolynyń 0-201 shaqyrym aralyǵyndaǵy ýchaskesi (Chapaı eldi mekeninen Kaztalovka eldi mekenine deıin);

Joldy 2026 jylǵy 14 qańtar saǵat 08:00–de ashý josparlanǵan.

Aıta keteıik, qazir respýblıkalyq joldardy kútip-ustaýǵa 875 arnaıy tehnıka jumyldyryldy.

Budan buryn erteń Astanada 0-9 synyp oqýshylary qashyqtan oqıtynyn jazǵanbyz.