Kún ne jel elektr stansasyn salatyn ınvestorlar aqshany alǵan soń eshqandaı jaýapkershilik arqalamaıdy — Tımýr Jantıkın
ALMATY. KAZINFORM — Megapolıste ıadrolyq fızıka salasyndaǵy otandyq jáne sheteldik mamandardyń qatysýymen «Atom energetıkasy jáne onyń resýrstyq bazasyn damytý» taqyrybynda dóńgelek ústel ótti. Jıyn barysynda «Qazaqstandyq atom elektr stantsııalary» JShS bas dırektory Tımýr Jantıkın qazir qoldanystaǵy elektr stantsııalaryna qaraǵanda AES-tiń qandaı artyqshylyqtary bar ekenin aıtyp berdi.
QAES basshysy atom elektr stansasynyń salynýy elimizdiń birqatar salalaryna oń áser etetinin aıtty.
Onyń aıtýynsha, AES qurylysy elimizdiń ǵylymı-tehnıkalyq jáne joǵary bilikti mamandardy daıyndaý baǵytyndaǵy áleýetiniń ósýine, stantsııa qurylysy kezinde 8 myńǵa jýyq adamdy jumyspen qamtýǵa jáne AES-tiń ózinde jumys isteıtin 2 myńǵa jýyq jergilikti mamandy daıyndaýǵa múmkindik beredi.
«Sońǵy jyldary elimizde elektr energııasyn tutyný aıtarlyqtaı ósti jáne onyń tapshylyǵy tek arta bermek. Negizgi energııa óndirýdiń balamaly kózderin izdeý barysynda zamanaýı, qaýipsiz atom elektr stantsııasyn salý múmkindigi zerttelip jatyr. Atom elektr stansasyn salý máselesi birneshe jyldan beri kún tártibinen túspeı keledi, bizdiń azamattardyń pikirin eskere otyryp, el basshylyǵy bul máseleni referendýmǵa shyǵarýdy usyndy. Atom elektr stantsııasy jobasynyń qorshaǵan ortaǵa tıgizetin áseri, turǵyndar men qorshaǵan orta qaýipsizdiginiń kepildikteri týraly qazirdiń ózinde elimizdiń óńirlerinde qoǵamdyq talqylaýlar ótkizip jatyrmyz», — dedi «Qazaqstandyq atom elektr stantsııalary» JShS bas dırektory Tımýr Jantıkın.
Sondaı-aq Tımýr Jantıkın elektr stansasynyń qurylysy bitken soń ınvestorlarǵa eshqandaı mindet taǵylmasa, al AES qurylysyna jaýapty kompanııa onyń paıdalaný merzimi aıaqtalǵannan keıingi jumysqa da jaýapty bolatynyn atap ótti.
«Búgingi kúni elektr stansalaryn salý kezinde olardy paıdalanýdan shyǵarý, qaldyqtaryn joıý nemese kádege jaratý boıynsha talaptar qoıylmaıdy. Elektr stantsııasy 20 jyl jumys isteıdi, sodan keıin ne bolady? Mysaly, kúnnen nemese jelden jumys isteıtin stansalardy alaıyq. Qazir ınvestor ony salady da, aqshany alǵan soń eshqandaı mindetsiz kete beredi. Al elektr stansasyn paıdalaný ýaqyty bitken kezde onymen ózimiz aınalysýymyz kerek bolady. Atom elektr stansalarynda jaǵdaı basqasha. ıAǵnı, AES-te qaýipsizdik máselesi tolyq rettelgen jáne árdaıym baqylaýda bolady. Atom reaktorlary qunynyń jartysynan kóbin qaýipsizdik júıesi quraıdy. AES-ti paıdalaný kezinde jáne tótenshe jaǵdaıda qaýipsizdikti qamtamasyz etetin birneshe qorǵanys deńgeıi bar. Sonymen qatar biz jobanyń qarjy-ekonomıkalyq modelin jasaǵan kezde radıoaktıvti qaldyqtardy, paıdalanylǵan ıadrolyq otyndy shyǵarý jáne joıý jumysyn onyń jalpy qunyna kirgizemiz», — dedi QAES dırektory.
