Kún kúrt sýytady: 12 qazanda qaı óńirge alǵashqy qar túsedi
ASTANA. KAZINFORM — «Qazgıdromet» 12 qazanǵa deıin Qazaqstanda qandaı aýa raıy bolatynyn boljady. Birqatar óńirde jańbyr jaýyp, shyǵysta qar aralas jaýyn-shashyn kútiledi. Sondaı-aq respýblıka boıynsha túnde jáne tańerteń tuman túsedi.
— 10–12 qazanda eldiń ortalyǵynda, 10–11 qazanda ońtústigi men ońtústik-shyǵysynda jaýyn-shashynsyz aýa raıy kútiledi. 10–11 qazanda ońtústik-batysta, 11–12 qazanda soltústik-batysta jáne soltústikte, 10 jáne 12 qazanda shyǵysta, 12 qazanda ońtústik pen ońtústik-shyǵysta jańbyr jaýady dep boljanady. 10 qazanda eldiń shyǵysynda jańbyr men qar túrinde jaýyn-shashyn bolýy múmkin, — delingen habarlamada.
Sınoptıkterdiń boljamynsha, 10 qazanǵa qaraǵan túni Shyǵys Qazaqstan oblysynda jańbyr men qar túrinde qatty jaýyn-shashyn kútiledi. 12 qazanda Túrkistan oblysynda qatty jańbyr boljanyp otyr.
Respýblıka boıynsha túnde jáne tańerteń tuman kútiledi.
Kúndiz aýa temperatýrasynyń joǵarylaýy boljanady:
- eldiń batysynda +22+27°S-qa deıin;
- soltústik-batysynda +17+25°S-qa deıin;
- soltústiginde +13+20°S-qa deıin;
- ortalyǵynda +13+22°S-qa deıin;
- shyǵysynda +10+22°S-qa deıin;
- ońtústiginde, Qyzylorda oblysynda +23+28°S-qa deıin, al Túrkistan oblysynda aýa temperatýrasy +18+23°S-qa deıin tómendeıdi;
- eldiń ońtústik-shyǵysynda aýa temperatýrasynyń negizgi fony +17+25°S bolady.
Buǵan deıin «Qazgıdromet» 8–10 qazanǵa arnalǵan Qazaqstan boıynsha aýa raıy boljamyn usyndy. Mamandardyń málimetinshe, aldaǵy kúnderi eldiń basym bóliginde aýa raıy turaqsyz bolyp, jańbyr, soltústik jáne shyǵys óńirlerde sýly qar jaýady. Shyǵysta kóktaıǵaq kútiletinin jazdyq.
