Kún kúrkirep, jańbyr jaýady: 6 tamyzǵa arnalǵan aýa raıy boljamy

ASTANA. KAZINFORM – «Qazgıdromet» RMK sınoptıkteri 6 tamyzǵa arnalǵan aýa raıy boljamyn usyndy. 

Mamandardyń habarlaýynsha, eldiń basym bóliginde atmosferalyq frontaldy bólikterdiń ótýine baılanysty jańbyr jaýyp, naızaǵaı oınaıdy. 16 oblysta, sondaı-aq Astana men Shymkentte daýyldy eskertý jarııalanyp otyr. 

Elordada naızaǵaı kútiledi. Ońtústik-batystan soǵatyn jel soltústik-shyǵysqa aýysady, ekpini – 15-20 m/s. 

Shymkentte kúndiz soltústik-shyǵystan jel soǵady, ekpini – 15-20 m/s. Atalǵan aımaqta joǵary órt qaýpi saqtalady. 

Kúndiz Abaı oblysynyń soltústiginde naızaǵaı kútiledi. Oblystyń soltústiginde túnde jáne tańerteń tuman túsedi. Ońtústik-shyǵystan soǵatyn jeldiń ekpini – 23 m/s. Oblystyń ortalyǵynda, ońtústiginde joǵary órt qaýpi saqtalady. 

Almaty oblysynyń taýly aımaqtarynda keı jerlerde naızaǵaı oınaýy múmkin. Soltústikten soǵatyn jeldiń ekpini – 15-20 m/s. Oblystyń soltústiginde, shyǵysynda jáne ortalyǵynda joǵary órt qaýpi bary habarlandy. 

Kúndiz Aqmola oblysynyń batysynda, soltústiginde jáne ońtústiginde jańbyr men burshaq jaýyp, burqasyn bolýy yqtımal. Oblystyń batysynda, soltústiginde jáne ońtústiginde naızaǵaı kútilip otyr. Ońtústik-batystan soǵatyn jel soltústik-shyǵysqa aýysady, ekpini – 15-20 m/s. 

Atyraý oblysynyń soltústiginde, ońtústiginde jáne shyǵysynda naızaǵaı oınaıdy. Kúndiz oblystyń soltústigi men shyǵysynda shańdy daýyl turady. Oblystyń ońtústik-shyǵysynan jel soǵady, ekpini – 15-20 m/s. Atalǵan aımaqta kúndiz 35-39 gradýsqa deıin qatty ystyq kútiledi jáne joǵary órt qaýpi saqtalady. 

Aqtóbe oblysynyń soltústiginde, batysynda jáne shyǵysynda kún kúrkirep, burshaq jaýýy múmkin. Kúndiz ońtústik-batystan soǵatyn jeldiń ekpini 15-20 m/s-ge deıin jetedi. Oblystyń batysy men ońtústiginde 36 gradýsqa deıin qatty ystyq kútiledi jáne joǵary órt qaýpi saqtalady. 

Shyǵys Qazaqstan oblysynyń soltústiginde naızaǵaı oınaýy yqtımal. Oblystyń soltústiginde túnde jáne tańerteń tuman túsedi. Ońtústik-shyǵystan jel soǵady, ekpini – 15-20 m/s. 

Jambyl oblysynyń taýly aımaqtarynda kúndiz naızaǵaı kútiledi. Soltústik-shyǵystan jel soǵady, kúshi – 15-20 m/s. Oblystyń soltústiginde, batysynda jáne shyǵysynda óte joǵary órt qaýpi saqtalady. 

Jetisý oblysynyń taýly aımaqtarynda kúndiz naızaǵaı oınaýy múmkin. Oblystyń shyǵysynda soltústik-shyǵystan soǵatyn jeldiń ekpini – 15-20 m/s.

Batys Qazaqstan oblysynyń soltústiginde naızaǵaı kútiledi. Ońtústik-batystan soǵatyn jel soltústikte, ońtústikte, oblys ortalyǵynda soltústik-batysqa burylyp, ekpini 15-20 m/s jetedi. Kúndiz oblystyń ońtústiginde 35 gradýsqa deıin qatty ystyq bolady dep boljanyp otyr. Oblystyń batysynda, ońtústiginde jáne ortalyǵynda joǵary órt qaýpi saqtalady. 

Qaraǵandy oblysynyń batysynda, soltústiginde jáne shyǵysynda naızaǵaı kútiledi. Kúndiz oblystyń batysynda, soltústiginde jáne shyǵysynda ońtústik-batystan soltústik-batysqa burylatyn jel soǵady, ekpini – 15-20 m/s. Oblystyń ońtústiginde asa joǵary órt qaýpi saqtalady. 

Qostanaı oblysynyń soltústiginde, batysynda jáne ońtústiginde kún kúrkirep, burshaq jaýýy múmkin. Kúndiz soltústik-batystan soǵatyn jeldiń ekpini – 15-20 m/s. Oblystyń ońtústiginde asa joǵary órt qaýpi saqtalady. 

Qyzylorda oblysynda, kúndiz oblystyń shyǵysynda soltústik-shyǵystan 15-20 m/s jel soǵady. Oblystyń ońtústik jartysynda asa joǵary órt qaýpi saqtalady. 

Mańǵystaý oblysynyń soltústik-shyǵysynda kúndiz shańdy daýyl soǵady. Ońtústik-shyǵystan soǵatyn jel oblystyń ońtústigi men soltústik-shyǵysynda batysqa aýysady, kúshi – 15-20 m/s. Kúndiz 38-40 gradýsqa deıin qatty ystyq kútiledi. Oblystyń soltústik-shyǵysynda joǵary órt qaýpi saqtalady, al oblystyń batysynda, ońtústiginde jáne ortalyǵynda óte joǵary órt qaýpi saqtalady. 

Túnde Pavlodar oblysynyń batysynda, soltústiginde jáne shyǵysynda qatty jańbyr jaýyp, burqasyn kútiledi. Oblystyń soltústik-shyǵysynda joǵary órt qaýpi saqtalady. 

Soltústik Qazaqstan oblysynyń soltústigi men shyǵysynda naızaǵaı kútiledi. Túnde oblystyń batysynda tuman túsedi dep boljandy. Kúndiz oblystyń shyǵysynda soltústik-shyǵystan jel soǵady, ekpini – 15-20 m/s. 

Túrkistan oblysynyń soltústiginde kúndiz shańdy daýyl soǵady. Soltústik, batys, oblystyń taýly aımaqtarynda soltústik-shyǵystan jel soǵady, kúshi – 15-20 m/s. Óńirde asa joǵary órt qaýpi saqtalady. 

Kúndiz Ulytaý oblysynyń soltústigi men shyǵysynda naızaǵaı kútiledi. Soltústik-shyǵystan jel soǵady, kúndiz oblystyń soltústigi men shyǵysynda soltústik-batysqa aýysady, ekpini – 15-20 m/s. Oblystyń ońtústiginde asa joǵary órt qaýpi saqtalady.