Kún kúrkirep, burshaq jaýady, daýyl soǵady – Qazgıdromet boljamy
ASTANA. KAZINFORM - 21 maýsymda Qazaqstannyń basym bóliginde aýa raıynyń turaqsyz sıpatta bolatyny kútiledi. Bul týraly Qazgıdromet RMK habarlady.
Sınoptıkterdiń boljaýynsha, elimizdiń soltústiginde naızaǵaı oınap, jańbyr jaýady, túngi ýaqytta shyǵysynda jáne ońtústik-shyǵysynda qatty jańbyr men burshaq jaýýy yqtımal.
Sonymen qatar respýblıka aýmaǵynda jel kúsheıip, kúndiz ońtústik óńirlerde shańdy daýyl soǵýy múmkin.
Qaýipti meteorologııalyq qubylystarmen qatar, joǵary jáne tótenshe órt qaýpi saqtalady.
Atap aıtqanda, Abaı oblysynyń shyǵysynda, Pavlodar oblysynyń shyǵysynda, Jambyl oblysynyń ońtústigi men soltústiginde, Batys Qazaqstan oblysynyń batysy men shyǵysynda, Soltústik Qazaqstan oblysynyń ońtústiginde, Atyraý oblysynyń soltústiginde, Mańǵystaý oblysynyń soltústigi men shyǵysynda, Aqtóbe oblysynyń ortalyǵynda, Shyǵys Qazaqstan oblysynyń soltústik-batysy, ortalyǵy men ońtústiginde joǵary órt qaýpi saqtalady.
Tótenshe órt qaýpi kelesi óńirlerde boljanýda:
- Almaty, Jambyl, Qyzylorda, Túrkistan, Qaraǵandy, Ulytaý oblystary,
- Aqtóbe oblysynyń batysy, ońtústigi jáne shyǵysy,
- Atyraý oblysynyń ortalyǵy,
- Mańǵystaý oblysynyń soltústik-shyǵysy men ortalyǵy,
- Qostanaı oblysynyń soltústigi men ońtústigi,
- Jetisý oblysynyń soltústigi, shyǵysy jáne ortalyǵy,
- Abaı oblysynyń batysy, ońtústigi jáne soltústik-batysy,
- Shyǵys Qazaqstan oblysynyń ońtústik-shyǵysy.
Sonymen qatar, kúndizgi ýaqytta qatty ystyq kútiledi:
- Almaty oblysynda 35 gradýsqa deıin;
- Jetisý oblysynda 35 gradýsqa deıin;
- Abaı oblysynyń ońtústiginde 35 gradýsqa deıin.
Mamandar aýa raıynyń kúrt ózgerýine baılanysty turǵyndardy qaýipsizdik sharalaryn saqtaýǵa jáne tótenshe jaǵdaılar týyndaǵan jaǵdaıda tıisti qyzmetterdiń eskertýine qulaq asýǵa shaqyrady.
Aıta keteıik, Pavlodar oblysynda tótenshe jaǵdaı rejımi jarııalanady.