Kún qaıta sýytady – úsh táýlikke arnalǵan aýa raıy boljamy
NUR-SULTAN. QazAqparat – Sınoptıkter 2020 jylǵy 9-11 sáýirge arnalǵan aýa raıy boljamyn jarııalady, dep habarlaıdy QazAqparat Qazgıdrometke silteme jasap.
Elimizdiń soltústiginde jańbyrdyń qarǵa aýysýyn jáne kúshti ekpindi jeldiń soǵýyn týdyrǵan Atlant muhıty aýmaǵynan kelgen tsıklon, erteń 9 sáýirde respýblıkanyń ońtústiginde jáne ońtústik-shyǵysynda keı jerlerde qatty jaýyn-shashyn (jańbyrdyń arty qarǵa ulasýy) ákeledi. Al tsıklondy Máskeý mańynan keletin sýyq antıtsıklon yǵystyrady. Jaýyn-shashyn toqtaıdy jáne aýa temperatýrasy tómendeıdi», delingen habarlamada.
