Kún qalypty qozǵalysynan aýytqydy
ASTANA. 2 qańtar. QazAqparat - Jýrnalısterge suhbat bergen Lebedev atyndaǵy Reseı Ǵylym akademııasynyń Fızıkalyq ınstıtýtynyń qyzmetkeri Sergeı Bogachevtiń aıtýynsha,
bıylǵy Kún júıesiniń belsendilik tsıkli «Daltonnyń mınımýmyna» jaqyndady.
«Kúnniń belsendiligi dástúrli túrde Kún dıskisindegi daqtardyń sanyna jáne olardyń tobynyń kólemine baılanysty bolatyn Volftyń sany boıynsha ólshenedi. Bul parametr 1750 jyldan bastap ólshenip keledi», - dep keltirdi Reseı jańalyqtar agenttigi Bogachevtiń sózderin.
«Eger bıylǵy 24-inshi kún tsıklinde daqtardyń sany qajetti sıpattamalardan aspasa, bul Dalton mınımýmy kezeńindegi eń «tynysh» Kún bolady degen sóz», - dep qosty ǵalym.
«Ǵylym úshin Kúnniń mundaı jaǵdaıy asqan qyzyǵýshylyq týdyryp otyr deýge bolady, sebebi, belsendi Kún jiti zerttelgen, al onyń kerisinshe qalpyn eshkim áli kórmegen», - dep túıdi ol.
Ǵalym Kúnniń tómen belsendiligi keıbireýlerdiń paıymyndaı muz dáýiriniń ornaýyna alyp kelmeıtindigin qadap aıtýda. Onyń sózine qaraǵanda, Kúnniń belsendiligi men jer klımatynyń ózgerýi arasyndaǵy baılanys mundaı tujyrymdar jasaıtyndaı áli tolyq zerttelmegen.
