Kún energııasymen júretin ıahta jer sharyn aınalyp saıahat jasady
ASTANA. 6 mamyr. QazAqparat - Keshe biregeı keme - kún batareıalarymen júretin katamaranmen jer sharyn aınalyp saıahat jasaǵan PlanetSolar jobasyna qatysýshylar úshin ataýly kún.
Olar bul jobany 8 jyl boıy ázirlep, jer sharyn aınalyp ótý saıahatynda 19 aı bolǵan. Kún energııasy arqyly shamamen 60 myń shaqyrym jol júrildi.
Kún batareıalaryndaǵy alǵashqy shveıtsarııalyq PlanetSolar ıahtasy Monako knıazdigine kelip jetti. Keme ol jerden 2010 jyldyń qyrkúıeginde saparǵa attanǵan bolatyn. Jergilikti turǵyndar orasan aýqymdy joldy júrip ótken Germanııa, Frantsııa jáne Shveıtsarııanyń bes ekıpaj múshelerin qarsy aldy. Keme Atlant jáne Tynyq muhıttaryn kesip ótti, Panama jáne Sýets arnalary arqyly júrdi, Maıamı, Meksıka, Avstralııa, Sıngapýr, Ábý Dabı jáne taǵy basqa kóptegen jerlerde toqtady, dep atap ótedi facepla.net portaly.
Uzyndyǵy 31 metrdi quraıtyn PlanetSolar 500 sharshy metrden astam alańda ornatylǵan kún batareıalarymen jabdyqtaldy. Bul batareıalar tek motordy ǵana emes, kemedegi barlyq qurylǵylardy, atap aıtqanda, kompıýter men elektr sháınegin energııamen qamtamasyz etedi, dep habarlaıdy «Velıkaıa Epoha ».
