Kún buzylyp, tórt óńirde 5 jol jabyldy

ASTANA. KAZINFORM — QazAvtoJol kúnniń buzýylýyna baılanysty 9 naýryz túngi 22:00 deıin Qazaqstannyń birneshe óńirinde jol jabylǵanyn habarlady. 

Atap aıtqanda 4 oblysta respýblıkalyq mańyzy bar 5 avtojolda kólik qozǵalysyna shekteý qoıylǵan.

Shyǵys Qazaqstan oblysynda — jalpy uzyndyǵy 160 km bir avtojol 

• «Óskemen-Altaı-Úlken Naryn-Qatonqaraǵaı-Rahman qaınary», Berel aýyly — Rahman qaınary (avtokóliktiń barlyq túrine)

Qaraǵandy oblysynda — jalpy uzyndyǵy 118 km bir avtojol

• «Qyzylorda-Pavlodar» — Ulytaý oblysy shekarasynan Topar aýylyna deıin
  (avtokóliktiń barlyq túrleri úshin)

Qostanaı oblysynda — jalpy uzyndyǵy 83 shaqyrym bir avtojol

• «Jezqazǵan-Petropavl» — Ulytaý oblysy shekarasynan Arqalyq qalasyna deıin (kóliktiń barlyq túrine)

Ulytaý oblysynda — jalpy uzyndyǵy 543 shaqyrymdy quraıtyn 2 avtojol

• «Jezqazǵan-Petropavl» — Ulytaý kentinen Qostanaı oblysy shekarasyna deıin (barlyq kólik túrine)
• «Qyzylorda-Pavlodar» — Jezqazǵan qalasy — Qaraǵandy oblysy shekarasy. 

Aǵymdaǵy saǵatta respýblıkalyq mańyzy bar avtojoldardyń qysqy kútimine 350 tehnıka jáne 395 jolshy jumyldyrylǵan.