Kún betinde kúshti jarqyl boldy

ASTANA. KAZINFORM — Jeksenbi kúni tańerteń Kún betinde M klasty qýatty jarqyl tirkeldi, dep habarlaıdy TASS aqparat agenttigi. 

— 23 aqpanda Máskeý ýaqytymen saǵat 05:13–te kún daqtarynyń 4001 (N25W82) tobyndaǵy rentgen dıapazonynda uzaqtyǵy 23 mınýt bolatyn M4.9 alaýy tirkeldi, — dep habarlady Qoldanbaly geofızıka ınstıtýty («QGI» Federaldyq memlekettik bıýdjettik mekemesi).

Rentgen sáýlelenýiniń qýatyna baılanysty kún alaýy bes klasqa bólinedi: A, B, C, M jáne X. Eń az A0.0 klasy Jer orbıtasyndaǵy 1 sharshy metrge 10 nVt sáýlelený qýatyna sáıkes keledi. Kelesi áripke ótkende qýat 10 ese artady.

Ádette alaýlar kún plazmasynyń shyǵaryndylarymen birge júredi, olardyń bulttary Jerge jetip, magnıttik daýyldardy týdyrýy múmkin. 

Kazinform úshin arnaıy TASS seriktes agenttigi usynǵan.