Kún betinde eń joǵary qarqyndylyq klasyndaǵy jarqyl tirkeldi

ASTANA. KAZINFORM — 4 qarashada Kún betinde eń joǵary qarqyndylyq klasy — X1.8 jarqyl tirkeldi, dep habarlaıdy TASS aqparat agenttigi. 

Tirkelgen X1.8 klasyndaǵy kún jarqyly bes aıǵa jýyq ýaqyt ishinde osyndaı kólemdegi alǵashqy oqıǵa boldy — X1.9 klasyndaǵy jarqyl buryn 2025 jyldyń 19 maýsymynda tirkelgen bolatyn.

Sonymen qatar, 5 qarasha túninde X jáne M klasty eki kún jarqyly bolǵan.

Olardyń uzaqtyǵy sáıkesinshe 33 jáne 73 mınýtty qurady.

Reseı Ǵylym akademııasy Ǵaryshtyq zertteýler ınstıtýtynyń Kún astronomııasy zerthanasy atap ótkendeı, H jalqyly «kún dıskisiniń shetinen tys, ońtústik jarty sharda, tómengi jaǵynda ornalasqan áli belgisiz úshinshi belsendi aımaqta» boldy.

— Bul jaǵdaıda Kúnniń alys jaǵyndaǵy oqıǵa Jerge eshqandaı áser ete almaıdy jáne ony azdy-kópti tynyshtyqta baıqaýǵa bolady, — dep túsindirildi málimdemede.

Kún jarqyldary rentgen sáýlelenýiniń qarqyndylyǵyna baılanysty bes klasqa bólinedi: A, B, C, M jáne X. Eń tómengi klas, A0.0, Jer orbıtasyndaǵy sharshy metrge 10 nanovatt rentgen sáýlelený qarqyndylyǵyna sáıkes keledi.

Kelesi áripke ótken kezde qarqyndylyq on ese artady. Jarylystar kún plazmasynyń shyǵaryndylarymen qatar júrýi, olardyń bulttary Jerge jetkende magnıttik daýyldardy týdyrýy múmkin.

Kazinform úshin arnaıy TASS seriktes agenttigi usynǵan. 

Buǵan deıin Kún betinde eki aptalyq úzilisten keıin kúshti jarqyldar qaıta paıda bolǵanyn jazǵan edik.