Kún betinde eki aptalyq úzilisten keıin kúshti jarqyldar qaıta paıda boldy

ASTANA. KAZINFORM — Eki aptalyq úzilisten keıin Kún betinde kúshti jarqyldar qaıta tirkeldi, dep habarlaıdy TASS.

Bul týraly Reseı Ǵylym akademııasynyń Ǵaryshtyq zertteýler ınstıtýtynyń Kún astronomııasy zerthanasy habarlady.

Naqtylaı aıtqanda, Máskeý ýaqytymen shamamen 04:00-de juldyzdyń shyǵys jıeginde M1.0 deńgeıindegi jarqyl boldy. Bul kún fızıkasynda qoldanylatyn bes deńgeıli shkala boıynsha tórtinshi belsendilik klasyna jatady.

Atalǵan oqıǵany Kún belsendiliginiń uzaq merzimdi kúsheıýiniń bastalý belgisi deýge bolady. Onyń sharyqtaý kezeńi 3–9 qarasha aralyǵyndaǵy aptaǵa tuspa-tus keledi. Juldyzdyń sol jaq jıeginde Jerge qaraı baǵyttalǵan eki qýatty belsendilik ortalyǵy baıqalady.

Eske sala ketsek, buǵan deıin ǵasyrdyń eń uzaq kún tutylýy bolatynyn jazǵanbyz. 

Ol astronomııalyq qubylys boljam boıynsha 2027 jylǵy 2 tamyzda bolady dep kútilip otyr.