Kún batpaıtyn aımaqtardaǵylar qalaı oraza ustaýda?
ASTANA. QazAqparat - Skandınavııanyń soltústik bóliginde turatyn musylman jamaǵatyna qasıetti Ramazan aıynda aýyz bekitip, oraza ustaýlaryna tabıǵattyń tosyn qylyǵy kedergisin tıgizip keledi, dep jazady muslim.kz.
Olaı deıtin sebebimiz, Skandınavııa aımaǵynda jazǵy kezeńde kún uıasyna qonbaıtynyn eskertemiz.
Shvetsııa memleketiniń arktıkalyq aımaǵyndaǵy Kırýn qalasyn mekendeıtin 700-ge jýyq musylman jamaǵaty atalmysh jaǵdaı baılanysty pátýa beretin jergilikti din basshylyǵyna zárý bolyp otyr. Osy sebepti de keıbir musylman baýyrlarymyz qasıetti Mekke shaharyndaǵy ýaqytpen sáıkes aýyz bekitse, endi keıbiri Stokgolm shaharynyń ýaqytymen oraza ustaýda.
Týra osyndaı tosyn jaǵdaı bul aımaqtarda qys ýaqytynda kerisinshe túrde oryn alatynyn da aıta keteıik. Bul aımaqtarda kún kózi qys ýaqytynda 2 aptaǵa jýyq ýaqyt boıy kórinbeıdi. Jer sharynyń bul aımaqtarynda ornalasqan musylmandar úshin kún kóziniń uzaq ýaqyt batpaýy jáne shyqpaýy tek orazaǵa ǵana emes, kúndelikti namaz qulshylyǵyna da aıtarlyqtaı kedergisin keltirýde.
