Kún batareıasymen jabdyqtalǵan ushaq 700 shaqyrymdy eńserdi
ASTANA. 17 maýsym. QazAqparat - Kún batareıasymen ushatyn shveıtsarlyq Solar Impulse ushaǵy Tsıntsınnatıden Vashıngtonǵa 14 saǵat 4 mınýt ushyp, 700 shaqyrymdy eńserdi, dep habarlady ITAR-TASS.
Ádetten tys qyryq attyń kúshi bar, qanatynyń uzyndyǵy 63,3 metr bolatyn ushaqty jobanyń teń quryltaıshysy psıhıatr jáne aeronavt Bertran Pıkkar basqardy.
Kún batareıasymen qozǵalatyn ushaq AQSh arqyly ushýdy mamyr aıynyń basynda San-Frantsıskoda bastady. Ol Fenıkste, Dallasta, Sent-Lýıste, Tsıntsınnatıde jáne Vashıngtonda boldy. Solar Impulse ushaǵynyń AQSh-taǵy mıssııasy 4 shildede Nıý-Iorkte aıaqtalady.
Ushaqtyń salmaǵy 1,6 tonna, baǵasy - 80 mıllıon eýro.
