Kún batareıasymen ushatyn Solar Impulse ushaǵy AQSh aýmaǵyndaǵy synaǵyn sátti aıaqtady
ASTANA. 7 shilde. QazAqparat - Kún batareıalarymen ushatyn Solar Impulse ushaǵy keshe Nıý-Iork áýejaıyna qoný arqyly óziniń AQSh aýmaǵy boıynsha ushý synaǵyn sátti aıaqtady.
Bul jaıynda Associated Press habarlady.
Atap aıtqanda, Solar Impulse-niń atalǵan eldiń aýmaǵymen ushýdy mamyrdyń basynda Kalıfornııadan bastaǵan edi. Onyń qonýy belgilengen ýaqyttan birneshe saǵat buryn iske asyryldy. Buǵan ushaqtyń sol qanatyna zaqym kelýi sebep bolǵan kórinedi. Keıin belgili bolǵandaı, ushqyshtyń ómirine qaýip tónbegen.
Solar Impulse ushaǵy jyldamdyqty saǵatyna 45 mılge deıin (72 km/saǵ) jetkize alady. Ol 9 shaqyrym bıiktikke kóterilýge qaýqarly. Ushaqtyń energııamen qamtylýyn 11 myń galvantıkalyq element qamtamasyz etedi. Atap aıtqanda, bul joba 2003 jyldan beri júzege asyryldy. Onyń bıýdjeti 10 jyldyń ishinde 112 mln. dollardy qurady.
