Kún batareıasymen ushatyn «Solar Impulse 2» ushaǵy Ogaıoǵa jetti
ASTANA. QazAqparat - Jer sharyn rekordtyq aınalyp ushýdy oryndaıtyn batareıamen júretin «Solar Impulse» 2 ushaǵy Amerıkanyń Ogaıo shtatynyń Deıton qalasynda qondy, dep habarlady VVS agenttigi.
Ushaq Týlsadan (Oklahoma shtaty) Deıtonǵa deıingi aralyqty saǵatyna 48 shaqyrym ortasha jyldamdyqpen 16 saǵat 34 mınýtta ushyp ótti.
Deıtonda batystan shyǵysqa josparlanǵan ushýdyń 16 kezeńiniń 12-si aıaqtaldy.
Maýsymnyń basynda 17 myń kún batareıasy salynǵan ushý apparaty Nıý-Iorkke jetip, onda transatlantıkalyq ushýǵa daıyndyqty bastaıdy.
Solar Impulse-2 ushaǵynyń sońǵy qonar jeri - sapardy bastaǵan BAÁ-degi Ábý-Dabı qalasy.
Bertran Pıkar men ekinshi ushqysh Andre Borshberg jer sharyn aınalyp ótý saparyn 29 mamyrda bastaǵan. Solar Impulse 2 Oman, Úndistan, Bırma, Qytaı jáne Japonııada bolyp úlgerdi, odan Gavaı araldaryna ushty.
Jobanyń basty maqsaty - ekologııalyq taza tehnologııalardyń múmkindikterin kórsetý.
